【元朗大寶冰室/肉餅飯/爆紅/食客/老闆/網上洗版/Threads】近日元朗大寶冰室肉餅飯在Threads爆紅，不少市民紛紛前往朝聖，令食店門外大排長龍，連店主女兒都直言父親招架不住。
網上洗版源於一個人
事緣近日Threads有大量有關元朗大寶冰室肉餅飯的帖文，內容一式一樣，都是「元朗大寶冰室，全亞洲最優秀嘅肉餅飯，每一塊肉餅都係嚟自元朗大師級肉餅工匠嘅手工之作，大件夾抵食，鄰近西鐵站、巴士總站，交通方便」。起初不少網民都估計是「打手廣告」，但追溯源頭後，發現是有一名網民自今年5月開始，在Threads進行高頻率的留言，不斷在不同帖文下方留言稱讚元朗大寶冰室，未料時至今日，果真透過「演算法」讓他「洗版」成功。
食客朝聖肉餅飯
不少網民隨即到元朗大寶冰室朝聖，只見未到中午食店門外已有人龍。有網民紛紛在社文平台分享食評：「大寶冰室嘅肉餅飯只可以用2個字形容：『無敵』」、「佢哋忙到咁啲出品都冇走樣，塊塊都煎到咁靚，好勁」、「2個字：『好味』」、「塊肉餅大過我塊面，仲要有2塊，表皮香脆金黃，啲梅納反應煎到啱啱好，咬落去脆口得嚟入邊卻又鬆化至極，肉感飽滿而不肥膩，啲肉唔會剁到爛蓉蓉，仲保留到少少豬肉粒，同明顯食到魷魚粒嘅彈牙口感，層次分明」、「第一印象：好香，第一口咬落，好脆口，再咬入啲，有彈牙、有𡁻口，但相對網上所傳，都有啲出入！」。
老闆招架不住
隨後網上流傳店主女兒的訊息對話，她向同事表示「老竇做到傻（開心嘅），但就要好早起身prep（準備）料，如果唔近元朗，最好遲啲先試，老人家咁chur（緊迫）搞唔掂，大家都有排等。佢完全招架唔到，最後冇晒白飯，叫啲人過對面茶餐廳買個白飯再過嚟食」，她又指其實食店的招牌菜是蕃茄湯。
而大寶冰室今天（10日）亦在Threads發帖答謝食客的支持，直言一眾員工都感到受寵若驚，「知道除咗平日經常幫襯嘅街坊外，好多朋友都係山長水遠過嚟支持我哋。我哋每一塊肉餅都係即叫即煎，所以等候時間會較耐。暫時會考慮招聘人手做埋晚市，分散晏就嘅人流，令各位唔使排咁耐隊外，要返工嘅大家都有機會食到」。
對於這次「元朗大寶冰室肉餅飯」現象，不少網民都嘖嘖稱奇，「imagine（想像）勞碌幾10年，間舖突然爆紅，係源於一個唔知頭唔知路嘅Threads trend」、「呢件事睇到香港仲有商機、仲有機會，不過機會係留畀冇準備嘅人」、「『大寶冰室的興起』要列入香港10大奇案之一」。
【延伸閱讀】
食用安全 | 新蒲崗買肉餅飯 豬肉呈粉紅色如刺身 港女呼不敢食店員咁回應 網民估計有原因