網購中伏 | 母親$1800淘麻雀枱收貨只得一隻八萬港男哭笑不得最後咁處理

【淘寶/麻雀枱/麻雀/中伏】一名男網民在Threads發帖，表示母親早前花費1,800元、從內地網購平台「淘寶」購買一張全自動摺疊式麻雀枱，未料收貨時發現包裹只有手掌般大。

男事主打開包裹後，發現裡面只有一隻「八萬」麻雀，其向賣家反映後，儘管成功獲得退款，但仍對此事感哭笑不得，遂在社交平台分享，並寫上「賺咗隻『八萬』番嚟」。

網民：你都賺咗$78,200

帖文曝光後，有網民不禁代事主向賣家查問，對方指因麻雀枱屬大件貨品、不能「隨便」發貨到香港，才發出一隻麻雀，待確定好張數、大小、需否改電壓和聯絡好集運倉等才能發貨，亦有人開玩笑指事主已「有賺」，「你都賺咗$78,200，仲投訴」、「用$1,800換到『八萬』，師兄你算著數」，另有網民解釋指「因為賣家要確保你嘅集運倉係可以收貨，而你冇回應佢哋係唔會發貨，但因為佢哋有限制日子前出貨，所以佢點都會寄啲嘢畀你原因係官方集運唔肯收大型件會拒收」。