騙案注意 | 深水埗現疑似騙錢黨內地女稱銀行卡凍結借$100返羅湖港女一句話揭破對方仍死撐

【騙案/深水埗/V Walk/呃錢/呃錢黨/騙錢黨】一名女網民在Threads發帖上載影片和照片，指本周四（20日）在深水埗V Walk商場附近遇到2名內地中年婦人，以普通話詢問她「識唔識聽普通話」。

女事主憶述當時已識穿對方是騙徒，但繼續聽她們「演講」。二人自稱來港旅遊，未料消費時發現銀行卡被凍結，故未能刷卡，著事主給予100元讓她們購買港鐵車票到羅湖，「跟住仲話問我電話號碼，之後畀番錢我，跟住求我幫佢哋」。

對此，事主回應對方：「前排都有好多你哋呢啲咁嘅大陸人，周街問人攞錢搭車、食飯喎。」二人聽後感覺被識破，但仍聲稱「我哋唔係咁」，惟事主未有再搭理對方，直接就離開，事後在社交平台發帖提醒其他人。

網民：職業乞丐

帖文曝光後，不少網民建議各種擊退方法，「我會用廣東話鬧佢」、「你問：你們是職業乞丐嗎？」、「下次唔好停低聽佢講嘢，點知係咪迷暈黨，一陣放啲迷暈煙出嚟咪GG（糟糕）」、「畀說話佢聽丫嘛，係咪當香港人白癡」、「大聲叫『呃錢呀』，然後打『999』」、「叫佢哋擺底部電話當抵押」。

【延伸閱讀】

啟德現普通話口音借錢黨😡孭CHANEL女騙徒專向阿叔埋手💸｜市民質問蹲下求饒🙇‍♀️