公屋裝修 | 獲派富亨邨350呎單位港男DIY髹油變粉藍窩居地板呢個價錢搞掂慳$30萬：平靚正

【公屋/裝修/房屋署/翻新/房署/大埔/富亨邨/單位/DIY】一名男網民在Facebook群組「香港公營房屋討論區」中發帖，表示早前獲派大埔富亨邨一個350呎的單位。惟他指單位經房屋署翻新後，地面是一幅水泥地，牆身則是黃色，直言「唔鍾意」，他便萌生裝修的念頭。

可能是室內的圖像

未提供相片說明。

事主指裝修公司全屋連廚廁「全爆」報價20多萬、30多萬元，惟他指沒有新屋沒有必要「全爆」，且自己預算有限，直言「住公屋個個都有廿幾萬攞出來裝修咩」，他遂決定自行髹油。

自行髹油分享貼士

他指先用砂紙「省牆」，待2層白色底油乾透後，再髹2層面油，材料只需1,000多元，成功以較低成本把牆身髹成粉藍色，「記住油完1層，等乾咗之後再油第2層。記得一定要戴帽，因為用個油碌去油牆嘅時候，係一定會彈啲一點點嘅油漆出嚟，彈到你一身都係。如果油完要鋪地板及做地腳線嘅，油牆時要油低啲，油過咗原本間屋嘅腳線位，因為走明線關係，新做條腳線未必可以做到4吋高，咁就冚唔到原本條腳線。所以油牆又低啲，就算做3吋腳線，都唔會睇到原本條腳線。大膽啲油，滴到地下都唔驚，因為會鋪地板，鋪完乜都睇唔到，靚晒」。

未提供相片說明。