長者就業｜將軍澳70歲婆婆做外賣步兵勁叻識用APP！自言：當做運動兼有收入｜網民：好過執紙皮！

人口老化，就業人口年齡上升，政府近年都推動中高年就業及長者就業。有婆婆就選擇了一個銀髮族比較少的就業選擇——送外賣。最近社交平台瘋傳一張婆婆做步兵送外賣的照片，發文者大讚婆婆發揮獅子山精神。

而這位婆婆更向網民表示做外賣步兵的目的是「當做運動兼有收入」，不少網民大讚婆婆擅用手機程式，而且送外賣過程衛生兼細心，自言喺將軍澳遇到婆婆為自己送外賣，會畀更多貼士以示鼓勵！

📌 將軍澳70歲銀髮族外賣步兵

網民 Frankie Ho 在Facebook群組「將軍澳主場」發佈一張相片，圖中一位婆婆把在整理買餸車，內有一袋黃色包裝的外賣袋，原來婆婆是一位外賣步兵。
樓主表示婆婆已70多歲，並引述婆婆自言做外賣步兵「當做運動兼有收入」。又表示婆婆很熟悉APP操作，甚至懂得「踢單」篩走不適合訂單。

📌 網民有嘢講

普遍網民對婆婆的就業能力及選擇表示讚賞，而且對婆婆送外賣的細心程度有讚無彈。
💬「有心有力，自食其力，發揮獅子山下香港人精神」
💬「自力更生，最叻係佢識得用個 App」
💬婆婆好細心，仲用架手推車。睇落個飯，穩陣過平時（其他）外賣員送。」
💬「如果佢送，我會畀多啲貼士。」
💬「好過執紙皮！」
💬「阿婆叻叻，車仔包裝，穩陣又乾淨」
💬「婆婆加油，支持你，但真係要小心，唔好掛住趕個準時獎，安全第一」
有網民原來一早已知這位婆婆步兵的存在，並表示「其實阿婆個朵在將軍澳好響，好多食店職員及物業管理員都畀like佢」。
【延伸閱讀】