【網購/中伏/淘寶/貓籠/收貨/玩具/自提店員/開箱】一名女網民在Facebook群組「淘寶唔開心share (中伏group)」中發帖,表示早前從內地網購平台「淘寶」購買一個78乘55乘137厘米的4層高貓籠。
女事主指自己在4月27日下單,網站顯示賣家29日發貨,直至5月5日才到貨。未料她到自提點取貨時,店員僅交給她一個「細過手機嘅盒仔」,她便向對方反映「呢件嘢唔係我㗎喎」,店員則指「冇啦,你今日係得呢件豆腐仔咋喎」。
拆出一件玩具哭笑不得
事主隨後打開紙盒查看,發現裡面只有一隻會發聲的黃色玩具鴨,她直言「睇到我眼都突埋,個站員笑到收唔到口」。她隨即聯絡賣家,對方聲稱會跟進,目前只能等消息。
網民:超爆笑 VS 隨便寄貨保名聲
帖文曝光後,不少網民都指結局引人發笑,但都有人指類似情況不時發生,估計是店舖一貫做法,「快啲喺浴缸放缸水,咁就可以玩鴨仔」、「嘩!好震撼」、「超爆笑」、「好搞笑,但是這種情況好有可能係商家刷單,也就是故意發錯貨充單量,跟著說發錯貨給你補發或者讓你重新落單」、「之前都見到類似經歷,原因可能大陸假期,冇貨,所以隨便寄貨,保店舖名聲。而上次見嘅類似經歷,好似收咗1隻麻雀發財!」、「黑店一貫手法」。
【延伸閱讀】
網購中伏 | 母親$1800淘麻雀枱 收貨只得一隻八萬 港男哭笑不得最後咁處理