公屋上樓 | 首派東涌公屋環境好配套齊鄰居布陣保安員開門現一異樣一家3口終拒絕：感覺好靈異

【公屋/上樓/首派/東涌/環境/配套/鄰居/布陣/保安員/靈異/單位】一名網民在Facebook群組「香港公營房屋討論區」中以匿名發帖，表示一家3口輪候擴展市區公屋，最近獲首派東涌逸東二邨單位。

事主近日到屋邨視察環境，形容「邨內感覺比想像中好」，且配套設施齊全，附近有學校、醫院、街市、食肆、巴士總站，將來又會有港鐵站，「眼見保安同居民都會打招呼，又會微笑點頭，氣氛幾和諧」。

鄰居門口擺陣辟邪

然而，事主稱上門後「感覺唔太好」，因對面鄰居在門口掛滿乾草和小孩玩具，相信是「擺陣辟邪」。她又憶述：「等保安開門嘅時候，保安大力敲幾次門然後等一陣，又重複大力敲門又等一陣，最後連敲好多下，又郁吓個門鎖，最後先至用鎖匙開門。」

對此，事主形容感覺很「靈異」。此外，其指入屋後發現單位「好舊好黑好霉」，如有60多年樓齡。事主隨後向保安詢問對面住戶的身分和搬走原因，對方稱不知道，著其問屋邨主任。惟保安透露對面住戶已易手數次，令事主感到憂心，最後決定拒絕配房。

「聽到佢講唔係一手係幾手，20幾年樓換幾手人，跟住我都決定唔要了。離開嘅時候睇到對面屋正門仲有一啲類似泰文符咒。唔係問題單位，但係上到去成個問題單位咁。」

帖文曝光後，不少網民都認同事主如第一感覺不佳，最好不要接受配房，「入去感覺唔太好就千祈唔好要了」、「不安就唔好要，硬要咗到時住得唔舒服就煩」、「你嘅感覺咁差，有時都要信吓自己嘅直覺，唔要都好，否則搬咗入去先至唔要太麻煩」、「要信自己，第一感覺真的好重要，相信這屋真的唔啱你」。

【延伸閱讀】

公屋上樓 | 一家3口首派屯門海景公屋港女大讚配套設施方便性價比高這方面成唯一缺點