壁虎入屋 | 電掣位藏一窩壁虎蛋嚇壞港女最快1周就孵化專家教處理+天然驅趕方法

【壁虎/昆蟲/電掣/壁虎蛋/孵化/專家/驅趕/檐蛇/處理/滅蟲】一名女網民在Threads上載照片，只見電掣位裡面有數十粒白色形同「迷你雞蛋」的物體，其中部分已破裂或跌到地上，流出淺粉紅色的液體。

網民：檐蛇好嘢嚟

女事主對此大呼震驚，直問「XXX乜嘢嚟」。不少網民看到照片後都大呼噁心，有人估計是壁虎蛋，建議事主不要驅走，「檐蛇蛋，有檐蛇幫手食曱甴都要畀你搞到絕子絕孫」、「佢究竟點樣爬入電掣入面生㗎？」、「雖然知檐蛇好嘢嚟，但次次見都覺得好核突」、「我勁想屋企有，可以食晒窗飛入嚟啲唔知乜嘢嘅黑滋仔」、「只要環境夠黑同窄就有機會見到」、「食『小強』一流，居家嘅妙品」。

「觀林蟲害」滅蟲專家鄭國鏗（Henry）接受《東張+》訪問，稱百分之百肯定圖中是壁虎蛋，估計再過1至2周就會孵化。