慳錢攻略｜荃灣驚現15元30隻湖北蛋劈價$0.5隻回歸80年代價/網民驚訝平過深圳/即睇舖頭地址

【慳錢攻略/街市行情/買平餸/湖北蛋/北上買餸】繼早前荃灣川龍街街市一菜檔為吸引顧客，推出「同歸於盡價」，多款蔬菜只售10元3斤，在網絡引起熱議，啱啱又有網民在社交平台分享一張在荃灣街市拍得的照片，有菜檔展示一個寫在發泡膠上的告示，表示「同歸於盡，絕地求生，湖北蛋$5排」，又在網絡上引起一番熱議，表示唔使返北上買餸了！

同歸於盡價賣湖北蛋

網民於Facebook「香港風景攝影會」群組上分享一張以「其實賣雞蛋需唔需要賣到同歸於盡」為主題的照片。照片拍攝荃灣海壩街菜檔門外一塊告示，表示「同歸於盡，絕地求生，湖北蛋$5排」，另外再寫上「一次成交、一生朋友」的宣傳口號。15元一排30隻的湖北蛋，計返即係 $0.5 一隻，可謂是時光倒流80年代價錢，不少網民驚歎平過深圳。

原來早2日（5月12日）亦有網民在小紅書出帖，發現同一間店舖亦以「同歸於盡絕地求生」價$18販賣一排30隻土雞蛋，每隻價錢平均$0.6；出油鹹蛋亦只是10元6隻、11元7隻，平均分別$1.67及$$1.5，價錢對想慳錢的人士來講的確吸引。