【交還公屋/屯門/單位】一名男網民在Threads發帖，表示父母居住在屯門公屋48年，20年前曾裝修過單位，「由新建成住到而家」，而他也居住20多年，最近決定把單位交還予政府房屋署。
購入私樓交還單位
事主形容從前的鄰居大多數是香港人，現在8成都是新移民。他透露因購入私樓單位讓父母養老，故把單位交還，但同時都不禁感嘆：
「雖然周圍都爛晒，都有啲唔多捨得。感謝呢個養大我嘅地方，真心多謝呢個公屋地方。單位對咗幾10年，都有啲生活故事，希望下一個住戶都好好努力改善生活。」
見證公屋多年變化
事主又指見證公屋多年來的變化：「以前鄰里關係好好多」、「好多人成長嘅回憶」、「以前真係常見喺樓梯口打麻雀」、「80年代，成班細路喺冷巷玩」、「成層樓啲細路係friend（朋友）」、「係好多香港人集體回憶」、「大家都有個類似嘅童年」。
網民：樓主做得好
帖文曝光後，不少網民都讚事主不忘本，並向他送上祝福，「恭喜可以搬走！」、「識得感恩嘅人，條路一定會越嚟越好，祝福你哋」、「恭喜晒樓主父母，而家大部分人只係諗住霸住間公屋，好少真係會交番出嚟。其實好耐以前公營房屋嘅定義，都係幫助有需要嘅家庭，直至一日有自己嘅經濟基礎，唔需要倚靠資助生活。祝福所有香港人」、「養大你是你的爸媽，因此你要感謝的是他們給你這個家，為你提供一個愛的地方」、「樓主做得好，冇需要就交番間公屋出嚟，好過啲人死霸爛霸，明明自己買得起，甚至乎有幾層私樓，都唔肯交番間屋出嚟，甚至好多根本已經搬走咗，只係間唔中返去郁吓啲水電，甚至轉租別人」。
【延伸閱讀】
公屋上樓 | 獲派新界268呎「不受歡迎」海景公屋 網民花2個月DIY裝修 列5大好處：為屋邨正名