【公屋/上樓/劏房/網民/津貼/輪候】一名網民在Facebook群組「香港公營房屋討論區」中以匿名發帖，表示自己年輕時申請1人公屋，期間居住25年的劏房，輪候16年後，最近終於成功「上樓」。
獲派慈樂邨單位兼萬元津貼
事主透露自己並非獲房屋署派樓，而是本身居住的地方被市建局收購，事主作為租戶選擇「上樓」賠償，最終獲編配到慈雲山慈樂邨樂旺樓一個單位，月租1,482元，同時獲得數萬元搬遷津貼。
嘆輪候2大辛酸
事主又感嘆多年輪候期間的辛酸，「25年嘅劏房生涯，充滿好多好多苦辣辛酸汗水淚水！一面要維持人工唔可以爆煲，另一面畀業主揸壓要交貴租！但又要遵守規則唔可以人工爆煲。16年嘅等待，人生最黃金嘅時間就係為咗間公屋去虛耗晒喇！」
對此，事主指自己最終都是等不到房屋署配房，估計快2年左右，並祝福其他網民，「希望大家努力加油，唔好放棄 」。
網民：終於苦盡甘來
帖文曝光後，不少網民都恭喜事主，亦有人分享自己的情況，「安居樂業」、「苦命人，同路者」、「恭喜晒呀， 有津貼就裝修好間屋，好好過生活，明白住劏房係辛苦嘅」、「為你高興，美好生活在前面」、「1人申請差不多60歲可以上樓，樓主應該差唔多」、「恭喜樓主，安居樂業，近期都睇到好多非長者1人上樓」、「恭喜晒呀，真係替你開心，終於苦盡甘來，祝安居。我都係1人排緊，等咗7年，今年55喇，計分制年年加分，我諗我要等到60轉長者隊喇！祝生活愉快」。
【延伸閱讀】
公屋分戶 | 母親離世 後父結新歡 網民嘆被趕走崩潰 代交租10多年想分戶：唔想再頂 分戶資格+安排