【公屋/還原/裝修/寬敞戶/調遷/入伙/單位】一名男網民在Facebook群組「公屋討論區」中發帖，表示一家人居住公屋單位，因家中有長者離世，令其一家變成「寬敞戶」，房屋署要求他們在1年內調遷到較小單位。
事主透露自己在小六時入伙，至今已居住17年，「今日單位last day（最後一天）交吉，曾經三代同堂，回憶番爺嫲瞓過嘅床、屋企一齊食飯嘅大廳，有點不捨」。
沿用上手裝修 如今被收還原費
事主指當年入伙時，上手住戶把廚房灶台和廁所洗手盆改裝成雲石枱，他一家當時「接手」，結果現在交還單位需要支付「還原費」。最終他最少需還原11個項目，並繳交39,563元維修程費，
「廁所發黴爛咗，自己換過都話唔係房署原裝門，一樣要畀錢。當時屋企裝修費都係12萬，其實同豪裝相距甚遠。入伙如果有上手嘢要問清楚。」
網民：裝修費房署白袋
帖文曝光後，不少網民均對事主被索還原費用感到訝異，「始終唔係房署原裝，收番還原費都合理」、「照你所講還番畀房署係要賠還原裝修錢嘅，咁你入住時嘅裝修冇拆、用番上手，咁啲裝修費房署咪白袋？」、「即係而家接收上手遺留下來嘅嘢，將來還原費自付」、「咁佢地都幾賺，明明上手整落」、「其實有啲還原之後，下家入嚟又將新嘅拆爛，好浪費」、「$2,000至$3,000租，比出面平咗1萬蚊1個月，住左17年，差額都200萬！賺咗啦！」。
據房委會資訊，如租戶曾在單位內進行裝修或改建工程，必須自費：
- 把（房委會）的所有固定裝置及設備恢復原狀
- 拆除加建的固定裝置及設備清走所有家具、雜物及垃圾
- 如租戶沒有辦妥以上事項，房委會將從其按金扣除有關的清潔和維修費用，以及有關行政費用。
租戶可自行安排移走自行安裝的固定裝置，或向房委會支付費用，要求房屋署代為進行相關的還原公屋單位工程。
【延伸閱讀】
還原公屋 | 港男分享還原公屋價目表 14個項目被收呢個數：出去搵師傅都要咁上下？