【網購/趣聞/淘寶/百潔布/賣家/開箱/中秋/轉送/海綿】一名女網民在Threads發帖，表示早前父親從內地網購平台「淘寶」購買40件百潔布，價格為17.19元。
開箱400件百潔布
未料收貨時，事主形容父親「拖住大半個人咁高箱嘢返嚟」，開箱後更發現裡面足足有400件百潔布，「一打開崩潰咗，一大片黃色幾護眼」。
對此，事主直言「全家對住箱嘢笑咗勁耐」，她又立即叫朋友幫忙「散貨」，
「然後個個都恥笑mode（模式），仲即刻改埋chat nickname（聊天室別名）：『每日即棄都用超過1年』、『可以刻2副麻雀開2枱』、『仲可以拎落樓做埋關愛隊嗰份』、『勁似泰國椰汁糕』、『送畀鄰居打好關係』，年年中秋送月餅，今年轉送百潔布有冇得
諗。」
網民：問吓有冇街坊要
不少網民看到帖文均嘖嘖稱奇，亦有人估計賣家發錯款式，「因為貨不對辦所以賣家假1賠10？直接畀夠400你？成件事好怪雞」、「形狀唔一樣，佢而家係送錯咗款式，但係數量多咗10倍」、「等多陣先，就快有xmas party（聖誕派對），如果公司有春茗，你仲可以友情贊助添」、「去你哋屋苑個Facebook group（群組）問吓有冇街坊要？」、「寫個名上去個百潔布上面，然後喺條街度派，分分鐘區議員你都選到」、「送多好過送少！試過買中碼褲送來變超加大，一個褲管等於一個人的腰圍」、「叫佢拎去冲涼用，用足1年，有剩5嚿用埋下年」。
【延伸閱讀】
拼多多最新優惠：一件都免運費送上門 網購幾蚊人民幣一樣送！免去自提點取貨排長龍