仲有一個月就踏入2026年，公立醫院多項收費即將正式「加價」！由2026年1月1日起，急症室、普通科門診、專科門診、住院以至影像檢查統統漲價，部分服務更加係翻倍上升。本文一文話你知最重要嘅加幅項目，包括急症室由$180加到$400、普通科$50變$150、專科$80跳到$250，仲有住院每日$300、超聲波/MRI等非緊急檢查都要收$250-$500！仲取消咗$75入院費，但整體開支仲係貴咗好多～即刻睇埋以下圖表，一眼睇晒新舊收費對比！
公立醫院2026年1月1日起新收費一覽
由2026年1月1日起，醫管局轄下公立醫院及診所多項服務收費調整，幅度由1倍至2倍有多，影響全港市民睇醫生成本。即刻同你拆解最貼身嘅幾個「震撼位」！
🔵急症室：$180 → $400（加$220）
「次緊急」同「非緊急」個案，急症室收費直接翻倍過！
下次頭痛腳痛或自知是非緊急的病症，諗住去急症室真係要三思～
（危殆及緊急個案仍然免費）
🔵普通科門診：$50 → $150（加$200）
普通科診金直線上升3倍！
每隻藥再加$5，傷風感冒去政府診所，隨時使$200幾！
低收入市民同長者仍然有紓緩機制，價錢仍然低於私家門診定價，唔急、唔怕等才選擇使用吧。
🔵專科門診：$80 → $250（加$170）
長期病患最痛！覆診費劃一$250，每隻藥再加$20。
心臟科、糖尿病科、骨科朋友，以後一年覆診幾次已經多使幾千蚊，所以切記濫用專科門診！
🔵住院病房：$120/日 → $300/日（加$180）
雖然取消咗$75入院費，但每日病房膳食費由$120升到$300，住多幾日隨時多幾千蚊！
以住5日計，原本$600，現在變$1500，負擔即刻重咗。
🔵影像檢查：超聲波、CT、MRI 不再免費
非緊急嘅超聲波、電腦斷層、磁力共振，以後要自費$250-$500！
醫生開單前，記得同佢傾清楚收費，如果無需要就不要做上述檢查。
邊類人可豁免公立醫院醫療費？
- 綜援受助人、60歲以上長者、低收入人士仍然可申請豁免或減免
- 部分慢性病患者可繼續用「長者醫療券」或公私營協作計劃
【延伸閱讀】
長者福利｜65歲或以上免費打肺炎球菌疫苗 即睇免費接種資格 預防肺炎/敗血病/腦膜炎
醫療福利｜政府資助8000元 私家眼科做白內障手術 減少病人於公立醫院輪候時間 即睇申請資格
長者醫療｜11.4起政府門診合資格長者優先預約 一文睇清預約方法/四大優先群組