【自私/鄰居/走廊/燒衣/公屋/煙味/宏福苑/投訴】一名女網民在Facebook群組「公屋討論區」中發帖，表示鄰居長年在走廊「燒衣」，她一直苦忍，至最近終忍不著直接向對方投訴。
事主指去年11月曾在Facebook群組公開事件，平日她一見到鄰居在走廊燒衣，亦會立刻致電屋邨辦事處反映，「但多數辦事處嘅人都係搵啲保安hea（敷衍）我，睇一睇完就走人，又冇咗件事，不了了之」。
一年燒衣30多次
如是者鄰居每月初一、初十五、農曆新年、清明節、佛誕、端午節、盂蘭節、重陽節、中秋節、冬至都會燒衣，一年30多次，事主直言被「攻煙30幾次」，甚至連走廊天花都被熏黑，「明明條邨係有燒冥鏹位置畀居民去燒，偏偏呢啲冇品嘅鄰居係要搞到人哋成間屋都係煙」。
她表示明白各人有自己的信仰，她亦會尊重，但一家人都被煙霧影響，「我屋企有小朋友，亦有毛孩，大家都好難受」。
當面投訴遭鄰居反駁
至剛過去的冬至（21日），鄰居再次在走廊燒衣，令事主單位全屋都是煙味，走廊同樣煙霧彌漫，她鑑於大埔宏福苑的火災教訓，決定當面向鄰居投訴，對方反而「大條道理，話番我轉頭」，聲稱「幾十年都係咁樣」，令她直斥對方為人自私，
「平時係會有2至3戶一齊燒，我真係唔想我居住地方做第二個宏福苑，全家畀火燒死，終於真係忍唔住出走廊鬧個鄰居，我嘅善良係冇用，結果都係畀人恰。人無恥便無敵，係咪可以自私到咁？」
網民：畀我就打999
帖文曝光後，不少網民都建議事主直接報消防，「我有個儒見，你見到佢在走廊燃燒冥強，你可以打火警鐘，拉出消防喉救火，到時消防處、警務處都來，問題就可以解決」、「畀我就打999，有好大煙」、「其實係要扣分，不過房署唔理真係冇計，唯有拍低證據報消防、報『東張』啦」、「我都畀人攻咗10幾年，唔想同人嘈，叫管理員勸佢唔理我，結果炒鑊勁，佢就以後冇喺度燒」、「房署要立例啦，呢啲仲嚴重過其他扣分原因，隨時搞到火警，害己害人。經過宏福苑事件之後，而家聞到呢啲味都好敏感驚慌」。
屋邨管理扣分制
據屋邨管理扣分制，涵蓋30項不當行為，違規者將按其行為的嚴重性被扣3、5、7或15分。如公屋/中轉屋住戶在2年內被扣除的分數累計達16分，其租約/暫准證將被終止。為給予租戶糾正不良習慣的機會，扣分制設有警告機制，先向違規性質較輕微的租戶發出書面警告。由觸犯不當行為日起計，書面警告有效期為2年。對初犯者會作書面警告；在2年警告有效期內，對書面警告無效者及在第二次觸犯及其後觸犯同一項不當行為時，會實行扣分。現時在有關機制下獲預先警告的違規行為共有11項：
警告制度適用的扣分項目 （初犯者會被書面警告一次，在2年警告有效期內如再犯，會被即時扣分）
違例即被扣分的項目
【延伸閱讀】
東張西望丨大窩口私人屋苑日日有人高空亂掟煙頭 樓下住戶報東張斥：做返正常人啦