海味 | 新年辦年貨買海味 揀靚鮑魚/瑤柱/蠔豉/海參攻略 儲存方法+發海參步驟

【海味/新年/辦年貨/鮑魚/瑤柱/蠔豉/海參/攻略/儲存/方法/發海參/步驟】農曆新年將至，家家戶戶都四出辦年貨，其中不少人會買乾瑤柱、蠔豉等海味用作送禮或準備年菜，但應怎樣揀靚海味呢？

挑選乾瑤柱

安記海味早前請來輝哥教大家挑選乾瑤柱，他指有一款LL元貝，香港1斤（600克）約有50粒；L元貝香港1斤約有60至65粒；M元貝香港1斤約有80至85粒；S元貝香港1斤約有100至110粒；另外還有SA和SAS元貝之分；還有就是大碎貝、即B1；另有B2即中碎貝；細細粒的就是中國大連的小元貝。 

輝哥指乾瑤柱要選「新水」貨，香味會較佳。其次是色澤金黃，紋理幼細，中間裂紋不能太粗，起渣會越少。如用作煲湯，他建議買碎貝；蒸的話原粒元貝會較理想。

存放方面，如只存放1至2個月，放在乾爽地方便可；如要儲存更久，就要放入雪櫃，不然會「起粉」和走味。

挑選蠔豉

輝哥指香港市面上的蠔豉主要來自日本、南韓和內地。他指靚的蠔豉裙邊要夠幼，吃起來便「冇渣」，最好是青綠色或淺啡色，不要選太深色，如見到蠔豉較「大肚」、呈紅色，代表未「散春」，口感稍遜，吃起來較鬆散、不可口。他提醒購買蠔豉後要立即急凍，如煲湯、煲粥可選日本、南韓蠔豉，煮起來不易爛。

至於內地蠔豉有分金蠔和爽蠔，金蠔味道較鮮甜；爽蠔則粵菜中經常會用到，較軟滑和體積較大。

挑選鮑魚

鮑魚種類

消委會曾分享，日本乾鮑一向較受本港消費者歡迎，當中又可細分為網鮑、吉品鮑及禾麻鮑。若預算有限，或可選購價格較親民的罐頭鮑魚，亦稱為湯鮑。 

• 澳洲罐頭鮑魚：體型大、口感軟滑、有嚼勁。
• 紐西蘭罐頭鮑魚：肉厚、顏色呈淺啡色。 

「頭數」越少等級越高

乾鮑的「頭數」是指每斤（600克）的鮑魚數量，例如1斤有10隻鮑魚便可稱為10頭鮑；而罐頭飽魚則以每罐計算，1罐8隻鮑魚稱為8頭鮑。因此，「頭數」越少表示鮑魚越大，等級越高，價格亦相對較高。

挑選秘訣

• 外形：色澤金黃、鮑身豐滿隆起、外形完整無缺、邊緣均勻為佳。
• 通透感：在燈光照射下顏色通透，表面帶薄薄粉狀更好。
• 氣味：散發獨有香味，不帶腥味。

儲存方法

乾鮑可存放在陰涼乾爽的地方，間中以潔淨的乾布拭抹，並加以烘乾或曬乾。如需延長保鮮時間，亦可考慮保存於攝氏0至8度的雪櫃內。

輕按鮑底測「溏心」

「溏心」鮑魚是指在加工過程中，將鮑魚的中心轉化成半液態。如希望選購「溏心鮑」，可嘗試輕按乾鮑底中心的位置，若是充滿彈性，便有機會屬溏心鮑魚。

挑選海參 

海參種類

海參的產地主要來自日本、內地、澳洲、南美、墨西哥、中東及印尼。消費者一般購買乾海參，較常見的種類有日本關東刺參（遼參）、澳洲、印尼及非洲的禿參及豬婆參，當中以遼參最名貴，而豬婆參的價格則較相宜。

挑選秘訣

挑選海參時應選擇外表完整、沒有裂痕，參身肥壯乾身、堅硬且色澤明亮，香味濃郁的為上品。而關東刺參（遼參）的參身越多刺越好，並以觸摸時沒有裂痕及硬身為佳。

「發」海參步驟

1. 以清水浸泡並放入雪櫃1至2天，期間每天更換清水
2. 用煲煮約30分鐘，熄火冷卻，再沖洗換水
3. 視乎其軟硬度，如仍較硬身，可再放進雪櫃多浸1至2天
4. 待浸泡軟身後，將其開肚取出腸臟
5. 放入沸水煮10分鐘
6. 待冷卻後再放進雪櫃浸泡2天沖
7. 洗乾淨後便可用作煮食，或包裝好放入冰格冷藏待用

儲存方法

盡量以密封的罐或袋儲存，旁邊可放置乾燥抽濕包，放在陰涼乾爽的地方。即使是浸發後的海參亦可放進雪櫃冰格保存，待食用前再解凍。

【延伸閱讀】

東張西望｜歲晚日本元貝網購陷阱　假退款連結誘騙銀行密碼　事主機警識破騙局

元貝 | 蛋白質高護心減脂抗發炎 3招選購靚瑤柱 營養師推介4種吃法降三高 3類人慎食

辦年貨🧨乾瑤柱睇紋理？蠔豉越大隻越好？ 專家教你揀靚海味過新年🧧