【家事常識/廚房貼士/食物安全/微波爐使用】不少上班族為了健康及慳錢都會自備午餐，中午時用微波爐翻熱，99%人以微波爐加熱食物都會把食物放在微波爐轉盤中央，但原來係100%做錯﹐這種方法其實會令今食物加熱不均勻，輕則食物冷熱不勻，影響味道和口感，嚴重的則會令食物沒有完全翻熱，吃後肚痛腹瀉，日日叮飯、用錯微波壚可大可小，台灣百貨店約翰家庭百貨就分享使用微波爐時，正確的放置位置，帶飯人士必學！
食物放轉盤中央大錯特錯
❌香港人日日叮飯，好多時都隨手將飯盒放喺微波爐轉盤中央，以為轉盤轉轉就夠晒均勻。但原來呢個係大錯特錯！
微波爐嘅微波通常從側邊單向發射出嚟，如果食物放喺正中央，轉盤轉動時，食物各部分都唔能夠有效輪流接觸熱源。結果就係食物加熱不均勻，外面燙燙哋，裡面仲凍冰冰，食落口感差勁，嚴重時更可能未完全殺菌，吃完肚痛拉肚，健康出事！
微波爐加熱正確食物擺放位置
✅ 正確方法係將食物放喺轉盤邊緣位置。轉盤轉動時，食物唔同部位可以輪流靠近微波發射源，熱力分佈得更平均。無論係叮飯、熱菜定解凍食物，都會熱得剛剛好，外面裡面溫度一致，食得出好味道。
💡【小貼士】如果食物份量多或者厚身，叮到一半可以停機，翻一翻面或者攪拌一下，確保每邊都熱透。
便利店微波爐正確使用方法
有些公司茶水間或便利店會使用沒有轉盤的平台式微波爐，無轉盤，微波從底部發射出嚟，加熱本身已經比較均勻。但如果食物厚重或者多層，仲係有機會中間冷熱不均。
💡正確方法是將需加熱的食物放喺爐平台中央就可以，但叮到一半必須停一停機器，宜把食物翻轉或者攪拌，避免熱力集中喺外層。咁樣先可以確保食物全面熱透，減少食安隱患。
【延伸閱讀】
家事常識｜急凍肉可放幾耐？反覆解凍會致癌？免治肉最易出事 一文睇清各款凍肉貯存期限
家事常識｜用氣炸鍋煮食會致癌嗎？8大氣炸鍋煮食安全貼士 原來避免一食材＋做啱一程序就解決！