【致癌習慣】買嘢畀錢或是用櫃員機提款後都可能收到熱感紙材質的收據，但最近有研究表示熱紙，熱感紙收據含有致癌物：雙酚A（BPA）同雙酚S（BPS）。專家警告，濕手或是塗了護手霜接觸會增加吸收量達10倍，增加乳癌、前列腺癌風險，仲影響生育能力同增兒童患上自閉症及過度活躍症風險。即入本文睇專家點講，同接觸熱感紙收據正確方法。
熱感紙收據含致癌物雙酚A
香港好多店舖用熱感紙收據，呢啲紙上面嗰層顏色塗層，就係用咗雙酚A（BPA）或雙酚S（BPS）製造。BPA係一種環境荷爾蒙，內分泌干擾物，用嚟整聚碳酸酯塑膠（PC，回收編碼7號）同環氧樹脂。
BPS都係類似化學物，會經皮膚吸收，尤其濕手時吸收量大增。研究發現，用濕手或搽咗護手霜嘅手接觸，體內BPA含量明顯高過乾手。
錯誤方法接觸釋出10倍份量致癌物
畀錢後即刻摸熱感紙收據，唔洗手就食嘢或摸眼鼻，BPA會經口眼黏膜進入身體。台灣成功大學環境醫學研究所特聘教授、公共衛生促進協會理事李俊璋表示濕手或是搽咗護手霜接觸毒素會大幅上升，因為BPA透過水或油性物質吸收好快，釋出量可達乾手時嘅10倍！
如果長期如上述情況下接觸，累積毒素會危害健康。唔好以為只係紙張，實際上係隱形殺手。
接觸雙酚A健康風險
- 致癌風險：已被列為致癌因子，與乳癌、前列腺癌等荷爾蒙相關癌症有關。
- 影響生殖：可導致精子數量下降、不育，干擾胎兒發育。
- 兒童發展：影響神經系統發育，可能增加自閉症、過度活躍症風險。
如何正確接觸熱感紙收據？
李俊璋教授表示，大家不用擔心接觸熱感紙收據，只要遁以下3個守則接觸便可避免風險。
- 接觸時保持手部乾爽。
- 接過收據後，用肥皂洗手才摸臉或進食。
- 避免濕手或是剛塗完護手霜後立刻接觸。
【延伸閱讀】
致癌習慣｜樽裝水致大腸癌？腸胃科醫生警告：長期飲癌細胞微粒多3.4倍 三種飲品勿放膠樽
大腸癌｜日本樂隊LUNA SEA鼓手真矢病逝 抗大腸癌6年 50歲高發 即睇大腸癌早期徵狀/致癌習慣