【家事常識/生果知識/奇異果營養】金色同綠色奇異果營養差異大！台灣營養師薛曉晶指出，便秘腹脹人士最適合食綠奇異果助腸道排便，頻繁感冒人士則宜選金奇異果補充高維他命C提升免疫。一文教你點揀最啱自己，仲有奇異果5大好處一次睇晒！
奇異果5大好處
- 助排便順暢：金綠兩種都有效，綠色纖維更強，解決便秘更快
- 提升免疫力：金奇異果維他命C高，感冒多嘅人食最啱
- 血糖穩定：低GI水果，餐後血糖上升慢
- 低熱量高飽足：2顆只得90-110大卡，適合減重人士做甜點
- 護心血管：有助降低壞膽固醇，長期食更有益
台灣營養師薛曉晶指出，奇異果分綠色同金色兩種，營養價值各有側重，唔係隨便食一樣就得。要視乎個人身體狀況，例如腸胃順唔順、易唔易感冒，先至搵到最啱自己嘅選擇。
金奇異果營養功效
薛曉晶分析，金奇異果主要功效如下：
- 維他命C含量高：適合經常感冒、抵抗力弱人士，每天食2顆可補充到理想水平，數週後感冒症狀明顯減少、精神同活力提升
- 助改善便秘：每天食2顆可增加排便次數、降低用力感，性質較溫和，腸胃敏感人士都容易接受
綠奇異果營養功效
薛曉晶分析，綠奇異果主要功效如下：
- 纖維含量豐富：最適合常有便秘、上腹飽脹困擾人士，尤其餐後肚重嘅朋友
- 改善便秘效果強：持續數週每日食2顆，可明顯增加完整排便次數，改善腹脹同不適感
- 特別有效於功能性便秘及便秘型腸躁症：幫助調整腸道節奏，效果比金奇異果更快
- 營養密度高：適合體重管理同血脂控制，長期食更有益
薛提醒，單靠奇異果唔夠，仲要多飲水、多食全穀類同蔬菜，飯後行10分鐘，效果先至最好。若有過敏或腸胃病史，更要謹慎。
【延伸閱讀】
家事常識｜藍莓列最毒生果！鹽水/梳打粉越洗越毒 醫生教正確清洗藍莓方法 12大殘留農藥水果名單
家事常識｜車厘子有蟲？肉眼難見小心食果蠅幼蟲落肚！三大廚房法寶洗走車厘子蟲卵
黑心食品｜中國木耳被揭農藥超標63倍！長期食損生殖能力/誕畸胎 即睇清洗木耳正確方法