【家事常識/洗衣貼士/乾衣貼一士/洗衣機使用攻略/家電使用攻略】香港天氣潮濕，衣服晾極都唔乾又有嗡味、晒晾衣物的空間又不夠，近年不少家庭購入有乾衣功能的洗衣機，但這類洗衣乾衣機十分容易故障，原來問題出於用家搞錯洗衣及乾衣容量，導致經常壞機！知名洗濯研究家平島利恵（洗濯研究家、專業清潔師資格持有者）指出，過量投放會令衣物無法翻動，變成「只是浸泡」，不但清潔力大減，更易損壞機器。本文拆解3大NG用法及正確使用法，特別加大力度講解洗衣乾衣機的正確容量，教你延長家電壽命、衣物更乾爽。
洗衣乾衣機壞機真相：原來「放太多衣物」才是元兇
- 香港人住細單位，很多人都想「一次過洗晒」，於是將洗衣乾衣機塞到滿滿當當。但平島利恵直言，這是最常見卻最傷機的習慣。她解釋，衣物塞太多，槽內無法翻動，只變成浸泡狀態，洗劑和水流根本發揮不了作用。
- 結果不僅污垢洗唔乾淨，還會出現生乾臭味、衣物皺褶、布料損傷，甚至加速馬達、皮帶等零件磨損，縮短機器壽命。尤其滾筒式（大眼雞）洗衣乾衣機更依賴「摔打」動作清潔，過載情況下效果更差，乾衣時熱風吹唔到每件衫，更加容易烘唔乾或壞機。
日專家揭3大NG用法，你中幾多項？
平島利恵總結出以下3大常見錯誤用法，正是導致壞機和洗衣效果差的元兇：
- NG行為1：洗衣機塞到爆滿 很多人為了慳時間慳水，一次放晒全家衫，但衣物冇空間郁，污垢根本洗唔甩。她強調，塞到動唔到，就洗唔乾淨。同時會令衫互相磨擦，出現皺褶、變形甚至甩線。
- NG行為2：任何衫都一齊洗，唔分種類 襯衫、裙子等易皺衫若同牛仔褲、毛巾混洗，容易起皺，要多燙衫時間。平島利恵建議，不想皺的衫要當精緻衫處理，用輕柔模式。
- NG行為3：只漂一次 為了慳水慳電選「漂洗一次」模式，會令洗劑同污垢殘留，白色衫變暗啞，或者乾完有霉臭味。她提醒，塞滿加漂唔夠，殘留問題更嚴重。
洗衣乾衣機正確使用法：勿放過量衣物！
平島利恵強調「留啲空間同餘裕」先係關鍵，特別係洗衣乾衣機的容量用法，直接影響洗得乾淨、乾得透同機器耐唔耐用。香港潮濕天氣下，乾衣功能更要衫有足夠空間讓熱風流通，否則烘唔乾、發霉臭味更勁。
- 投放量控制（最緊要！）：機身標示的公斤數係指乾衫的最大重量（乾重），但實際用絕對唔可以塞滿！
- 直立式洗衣機：最多裝到80%滿，畀衫喺水入面轉得順。
- 滾筒式（大眼雞）洗衣乾衣機（香港最常見）：建議只裝50–70%，因為滾筒式靠衫被拎起再跌落嚟清潔，空間唔夠就變「悶住洗」，洗唔乾淨、乾衣更差。
- 乾衣容量通常比洗衣容量細：（例如洗8kg、乾5kg好常見），洗完如果衫接近洗衣上限，一定要拎走部分先乾，否則乾衣效果大打折扣，甚至壞機。專家提醒：衫喺水入面/乾衣時要「游得動」或「翻得滾」，少啲先最好！
- 水量調整：自動感應水量有時低估厚重衫（如毛巾、牛仔褲），建議手動調高一級水位，避免洗劑殘留。
- 易皺衫分開洗：用「精緻衫」或輕柔模式，少量投放，減少皺褶同燙衫工夫。
- 定期保養：每月用專用清潔劑洗洗衣槽，去黑霉、細菌同油脂，避免衫二次污糟。她特別提醒，洗衣槽每月清一次。
【延伸閱讀】
家事常識｜洗衣珠/洗衣液/洗衣粉正確使用次序一文搞清 放錯致衣物甩色、出斑點、化學殘留
家事常識｜衣物點洗可保持新淨？P&G+英國大學實驗揭秘：簡單三招護色、環保又慳水！
家事常識｜超便宜白衫去漬神器！Threads爆紅$25洗面奶＋日本電視推介男士剃鬚膏 衣領手袖秒變白
家事常識｜洗衣機加過碳酸鈉＋檸檬酸洗出千年污垢「紫菜湯」成本不用5元 1分鐘教你環保洗機法