【易潔鑊/致癌/廚房小知識/家事常識/廚具安全】美亞廚具最近於Instagram發文，解釋易潔鑊表面輕微刮花未必即刻要丟，但若塗層明顯剝落、起泡甚至見金屬底，就有機會釋出PFAS（全氟/多氟烷基物質 (per- and polyfluorinated alkyl substances)等物質及塗層碎片脫落，從而混入食物中，長期攝入有機會導致生殖、癌症及免疫力等健康危機。但是不是一條小小的刮痕就要換鑊？廚具店美亞就教你點分隻鑊「仲用得」定「要退休」，保障健康。
易潔鑊刮花立刻要換？廚具店：唔一定要掉
不少家庭都會用到易潔鑊，但都會問同一個問題：「易潔鑊刮花咗，仲可唔可以用？」對此，本地廚具品牌美亞廚具早前喺Instagram發文解釋，其實視乎刮痕嚴重程度，唔係一刮就一定要丟。
如果只係極輕微、表面淺淺嘅刮痕，而塗層冇出現起泡、剝落，基本上防黏功能只係略為打折扣，短期內唔會即刻變成「毒鑊」。塗層主要作用係防止食物黏底，同時令清潔更容易；呢種輕微花痕，多數係用錯金屬鑊鏟或清潔太用力造成。專家建議之後改用木製或矽膠廚具，以及避免用百潔布粗暴刷洗，就可以減少刮痕持續惡化。
甚麼情況要即刻換鑊？
不過，一旦出現以下情況，就唔建議再「用命搏」繼續使用：
- 塗層明顯剝落、起泡
- 用手摸到表面粗糙、有一塊塊缺口
- 已經見到底下金屬底層（例如鋁或不鏽鋼）
當塗層開始一塊塊脫落，碎片就有機會混入食物
- 某些非黏塗層屬於PFAS家族，部分研究指刮花或高溫情況下，表面可以釋出含PFAS嘅微塑膠或納米粒子，期攝入或積累可能增加健康風險，受損嚴重嘅易潔鑊應該盡快更換。
- 如果鑊底金屬層外露，長期以高溫煮酸性食物（例如蕃茄醬、檸檬汁）亦可能增加金屬遷移量，雖然一般短期少量接觸風險唔高，但從長遠健康角度，都唔建議繼續使用狀態明顯老化嘅鍋具。
易潔鑊刮花健康危機？
- 現時國際監管機構整體認為，合規格嘅PTFE（俗稱Teflon）非黏塗層，在正常烹調溫度下相對穩定，輕微刮痕產生嘅少量塗層碎片，多數會以惰性物質形式經腸道排出體外。
- 而PFAS類化合物而言，世界各地公共衞生部門愈來愈關注「持久性化學物」長期積累對人體同環境嘅影響。
長期攝入PFAS引發生殖、免疫力及癌症風險
美國環境保護局（EPA）及美國疾病控制與預防中心（CDC）指長期攝入PFAS污染物會引發以下健康問題。
- 生殖系統影響：降低孕婦生育能力、可能導致高血壓。
- 兒童發育影響：低出生體重、性早熟、骨骼異常、行為改變。
- 免疫系統影響：抗感染能力下降、疫苗反應減弱。
- 代謝與荷爾蒙影響：干擾人體天然激素、膽固醇水平升高、肥胖風險增加。
- 癌症風險：美國毒物與疾病登記署（ATSDR）、國際癌症研究機構（IARC）（IARC將PFOA列為「可能對人類致癌」（2B類））部分研究顯示增加前列腺癌、腎癌、睾丸癌風險。
【延伸閱讀】
致癌習慣｜樽裝水致大腸癌？腸胃科醫生警告：長期飲癌細胞微粒多3.4倍 三種飲品勿放膠樽
戴口罩小心！專家警告口罩釋出微塑膠 吸入增心血管疾病及癌症風險 2招避免吸入口罩塑膠微粒
致癌習慣｜易潔鑊刮花等於食致癌物落肚！專家揭3大情況立即換鑊 附正確清潔+保養貼士
致癌習慣｜畀錢撳錢小心！熱感紙收據含毒物 濕手接觸更毒！可致乳癌/前列腺癌/生育能力下降/患自閉症