【致癌習慣/外賣/家事常識/食安/微塑膠】香港人唔少貪方便經常喺Keeta、FoodPanda叫外賣，但原來食得外賣多個致癌，說的不是食品健康問題，而是錯誤處理外賣容器會不知不覺間吞下大量塑膠微粒！研究顯示，高溫加熱紙餐盒會釋出微塑膠，長期累積或增加健康風險。以下教你避開隱形致癌陷阱，安全享用外賣美食。
塑膠微粒從何而來？外賣包裝成元兇
- 外賣最常用紙質餐盒，內層塗有防水淋膜，主要材質包括LDPE或PP，目的是防止湯汁滲漏。
- 台灣中醫師譚敦慈警告：這些紙杯、紙碗同紙餐盒的塑膠微粒含量可能更高。一旦遇上高溫，淋膜容易受損釋出微粒，比普通塑膠袋更毒。
- 不少環保機構指出不同材質耐熱程度有差異，超過耐熱範圍（如 LDPE 只耐70-90℃、PP 約100℃-140℃），超過耐熱範圍，風險便大大增加。
叫外賣最危險一件事：直接加熱紙餐盒
- 很多打工仔返到屋企或者中午在公司吃外賣，直接將外賣盒放入微波爐加熱，以為叮幾秒無事，實質暗藏致癌風險。
- 實驗發現，加熱後塑化劑同塑膠微粒數值明顯上升。微塑膠一旦進入人體，雖然部分可透過正常飲水代謝排出，但長期頻繁攝入仍需留意潛在累積風險。
- 中醫師吳宏乾表示，塑膠微粒並非完全無法排出，正常飲水的情況下，小便會把塑膠微粒排出，但長時間攝取則有機會殘留，還是建議減低接觸。
安全食外賣5大貼士 減低微塑膠風險
想繼續叫外賣又不想「食膠」？記住以下習慣：
- 唔好直接加熱紙餐盒：外賣到手後，需要加熱，應將食物轉到家中瓷盤或玻璃容器先加熱。
- 選擇耐熱較高材質：優先選PP材質餐盒（耐熱可達100-140℃），但仍避免過高溫。
- 少用一次性塑膠容器：盡量選用可重用或陶瓷包裝的外賣店。
- 加熱前檢查溫度：微波爐勿用最高火力，短時間加熱即可。
- 多飲水幫助代謝：日常飲足夠清水，有助身體排出部分微粒。
養成這些小習慣，長期可大大減低塑膠微粒攝入。
【延伸閱讀】
致癌習慣｜樽裝水致大腸癌？腸胃科醫生警告：長期飲癌細胞微粒多3.4倍 三種飲品勿放膠樽
致癌習慣｜酒精搓手液原來有毒！英研指長期用恐致癌 但暫無代替品？肝病病人用會加重病情？
致癌習慣｜易潔鑊刮花等於食致癌物落肚！專家揭3大情況立即換鑊 附正確清潔+保養貼士
致癌習慣｜畀錢撳錢小心！熱感紙收據含毒物 濕手接觸更毒！可致乳癌/前列腺癌/生育能力下降/患自閉