【都市病/肩頸痠痛/簡易保健方法/辦公室簡易運動/背痛】打工仔每日對住電腦至少八、九個鐘，收工仲要低頭玩手機，肩頸肌肉長期繃緊，輕則痠痛，重則引發頭痛、手痺。想即時舒緩，唔一定要去按摩或貼藥布。中醫指出，人體有一個隱藏「救星」穴位，就喺腳趾之間，返工坐喺位都可以自己按。
1分鐘自救！搵啱「俠溪穴」即時放鬆肩頸
俠溪穴屬於足少陽膽經，膽經貫通頭、頸、肩同身側。中醫理論認為，肩頸痠痛多與氣血不通、經絡阻塞有關。刺激俠溪穴可以疏通膽經氣血，尤其適合長時間坐喺電腦前、姿勢唔正確引起嘅僵硬不適。
俠溪穴位於邊度？一摸就搵到
穴位位置非常簡單易搵：
- 定位：腳背部，第4同第5腳趾之間的趾蹼緣上方，凹陷處就係。
- 按法：坐喺辦公椅上，脫鞋後用大拇指指腹按住穴位，輕輕施壓，感到微微痠脹即可。
- 節奏：每按3秒放鬆1秒，左右腳輪流按，總共做1分鐘。
幾時按最有效？呢兩個時機最啱
- 上午11點至下午1點：膽經氣血最旺盛嘅時段，此時按效果加倍。
- 肩頸突然發緊時：一感到頸梗膊痛就即按，唔好等痛到影響工作。
加埋兩個簡單動作 辦公室自救套餐
如果按完俠溪穴覺得更放鬆，可以配合以下兩個小動作，進一步舒緩肩頸：
- 縮下巴練習：坐直，輕輕將下巴向後收，感覺頸後肌肉拉長，保持5秒。重複5次。
- 聳肩繞圈：雙肩用力向上聳起，然後向後畫大圓圈，放鬆落下。做10下。
日常預防三招 減少肩頸復發
- 螢幕要夠高：調較電腦螢幕頂端與視線平齊，避免低頭。
- 每45分鐘起身：去斟水或去廁所，郁動一下全身。
- 孭輕身啲嘅袋：避免單側長期受壓，盡量用雙背囊。
【延伸閱讀】
逆轉失智症真實案例｜101歲修女現阿茲海默症特徵 靠一良好習慣維持超強記憶力