通波仔手術資助｜冠心病患者最高資助$30,000 公立醫院轉介即睇申請資格及資助額

【醫療費資助/心臟病/手術資助/公立醫院轉介】現時喺公立醫院做通波仔手術，收費大約4萬至8萬元，非緊急個案平均要輪候約86至96星期，唔少冠心病人會擔心病情惡化。如果唔想捱等咁耐，可以考慮由公院醫生轉介參加「暖心行動慈善基金」通波仔手術資助計劃：合資格冠心病患者可到私院嘉諾撒醫院做通波仔，按支架數目最高獲$30,000資助，手術費約由$74,000起，價錢貼近公院之餘，仲可以大幅縮短輪候時間。即入內文了解通波仔手術資助計劃申請資格、流程等。

可能是顯示的文字是「暖申請流程通波仔手術資助申請流程上網遞交文件，審批時間一至兩個工作天。全部過程一般一星期内完成全部週程- 希望透過資助計劃幫助更多有需要嘅冠心病患者。成功批核後，有專人通知 m 有專人通知並約見醫生。見醫生後會安排入院時間進行手術。入保時間達行手箱°資助後$74,000起資助後、 $74,000起 $74, 」的圖像

「暖心行動」通波仔手術資助計劃

不少在公立醫院治療冠心病的病人都會陷於一個難題中：公院手術排期平均要86-96星期（香港亞洲心臟中心資料），如果途中突然惡化點算？轉去私院做手術又驚使費大。

病人其實可以考慮請公立醫院醫生轉介申請「暖心行動慈善基金」推出的「通波仔手術資助計劃」，以資助方式幫冠心病患者喺私院嘉諾撒醫院較快完成冠狀動脈介入手術（即通波仔）。

肥媽心肌痛血壓高急入院通波仔手術前拍片交待情況| am730

通波仔手術資助計劃｜資助額同手術費點計？

按照基金官網及公開資料，通波仔資助主要用嚟補貼支架相關費用，按支架數目設定唔同上限：

1個支架：資助上限港幣$14,000
2個支架：資助上限港幣$20,000
3個支架或以上：資助上限港幣$30,000

嘉諾撒醫院進行通波仔手術，扣除資助後大約手術收費如下（實際費用以醫院最新列明為準）：

1個支架：扣除資助後手術收費約港幣$74,000
2個支架：扣除資助後手術收費約港幣$95,000
3個支架：扣除資助後手術收費約港幣$105,000
4個支架或以上：資助上限同樣為$30,000，實際費用視乎臨床需要而定

通波仔手術資助計劃｜資格申請

申請人需要同時符合以下條件先可以申請通波仔手術資助：

必須為香港永久居民
持有醫院管理局轄下醫院發出嘅「冠狀動脈介入手術通知書」（即HA醫院通知你要做通波仔）
由醫管局醫生診斷，並且建議需要接受冠狀動脈介入手術，或其他相關冠狀動脈介入治療

同一般以入息或資產作門檻嘅醫療資助唔同，「暖心行動」呢個計劃主要着眼於「你係咪公院輪候通波仔」同「醫生已經建議要做」，而唔係再額外加好多財政審查條件，目的係幫公院輪候患者爭取治療時間。

嘉諾撒醫院- 維基百科，自由的百科全書

通波仔手術資助｜申請步驟（最快約一星期完成流程）

基金申請流程設計得幾簡單，主要分為網上申請、審批、安排見醫生及手術幾個階段，視乎個案，最快大約一星期可以完成整個流程。

上網遞交文件：透過「暖心行動」網上表格提交個人及醫療資料，連同所需證明文件；審批時間一般約一至兩個工作天。（文件包括：醫管局手術轉介信/手術預約便條/心臟專科覆診預約便條證明、香港身份證、電腦掃描報告）
批核後安排見醫生：成功批核後，會有專人主動聯絡你，通知結果並代為預約到指定醫院見心臟科醫生作詳細評估。
安排入院做手術：見醫生及評估完成後，醫生會按情況安排入院日期進行通波仔手術，整個流程一般可於大約一星期內完成，資助後手術費約由$74,000起。