【筍工/招聘/裁員潮/失業/搵工/兼職/勞工處/機場/航空業/招聘會】香港機場管理局聯同勞工處，將於5月23至24日喺香港國際機場二號客運大樓接機大堂舉行「香港國際機場博覽暨招聘會2026」，集合約40間機場夥伴，提供超過4,400個航空及機場相關職位，免費入場，仲有專人幫你改CV、形象配色分析、職涯諮詢同專業搵工相拍攝。另外多間航空相關機構亦會舉行就業講座，啱哂打算轉工、投身航空業或應屆畢業生即場搵工。
香港國際機場博覽暨招聘會2026｜活動重點
- 日期時間：2026年5月23至24日（星期六及日），每日11:00至18:00
- 地點：香港國際機場二號客運大樓接機大堂（T2）
- 入場費用：免費入場，無需門票
- 職位空缺：超過4,400個機場及航空相關職位
- 參與機構：約40間機構，包括國泰、大灣區航空、香港快運、機場保安有限公司、香港空運貨站、香港飛機工程等
參與機構一覽
| 機構類別 | 機構名稱（部分） |
|---|---|
| 機場及政府部門 | 香港機場管理局、民航處、香港國際機場顧問服務 |
| 航空公司／航空服務 | 國泰、國泰附屬服務（國泰貨運站、國泰餐飲、HAS by Cathay）、大灣區航空、香港快運、香港航空、泛亞太平洋航空服務有限公司 |
| 地勤／貨運／工程 | 香港空運貨站有限公司、香港飛機工程有限公司、亞洲空運中心有限公司、新翔（香港）、中航明捷 |
| 保安及設施管理 | 機場保安有限公司、ISS Facility Services Limited |
| 交通及展覽場地 | 城巴有限公司、亞洲國際博覽館 |
逾4400個機場職位 兼職／全職都有
今次機場x勞工處招聘會提供超過4,400個空缺，涵蓋地勤服務、機艙服務、航空貨運、行李處理、機場保安、機場服務、飛機維修、餐飲服務、技術及支援等，多個範疇兼職全職選擇一應俱全。
免費專業服務：改CV＋職涯諮詢＋搵工相
- 除咗即場投CV同面試，場內特設多項免費求職支援服務，包括由專家幫你優化履歷，教你點樣突顯強項，吸引HR眼球。
- 現場亦會提供個人色彩分析，按你嘅特質配襯衣著顏色，令面試look更專業醒神，提升第一印象。
- 求職者仲可以預約拍攝專業證件照／搵工相、做MBTI測試，方便之後放入CV、LinkedIn或招聘平台，加強個人品牌。
航空業就業講座
兩日的招聘會，予會的航空業公司更會舉辦多場講座，焦點如下。
- 國泰｜主題：邁出職涯新一步 - 國泰見習機師培訓計劃｜5月23日，14:00–14:30
- 香港快運｜主題：從跑道到起飛 與 UO 一同翱翔｜5月23日，14:45–15:15
- 香港國際航空學院｜主題：成就你，成就航空專才｜5月23日，15:30–16:00
- 國泰附屬服務｜主題：探索航空服務新視野：多元職涯啟航｜5月23日，16:15–16:45
- 民航處｜主題：天空由你指揮！航空交通管制主任之路｜5月23日，17:00–17:30
- 香港飛機工程有限公司｜主題: 小零件 • 大未來 港機成就無限可能｜5月24日，14:00–14:30
- 香港航空｜主題: 航班背後的守護者｜5月24日，14:45–14:15
- 香港機場管理局｜主題: 見習行政人員及見習工程師計劃介紹｜5月24日，13:30–16:00
【延伸閱讀】
政府筍工｜學生資助事務處聘調查主任 月薪達$35,380 中五畢業可申請 留意工作經驗要求
筍工｜華永會聘墳場主管 月薪達$35080 中五畢業可申請 18日大假加包家人醫保 即睇申請方法
教車師傅筍工｜運輸署擬增發332個師傅牌 248公眾配額 5月起申請 月入10萬係咪真？即睇入行要求