【家事常識/洗枕頭/洗枕袋/床具衛生/睡房/家居清潔】枕頭袋一週唔洗，細菌量急升至300萬，嚴重影響睡眠衛生！專家指枕套最好每週清洗一次，唔同枕芯如乳膠枕、記憶棉枕、羽絨枕、聚酯纖維枕都有專屬清潔法，避免變形發霉。快睇正確洗法，保持床品乾淨健康！
枕頭袋一周無洗細菌量飆至300萬
- 枕頭袋每日接觸汗水、口水、油脂、頭皮屑和化妝品殘留，久唔洗就會變成細菌溫床。參考資料指出，枕頭套一周沒洗，細菌量可達300萬，所以建議每週清洗一次，最遲唔好超過兩週。
- 台灣醫生黃軒引用外國的研究表示枕頭菌量會隨使用日數以幾何級數上升。
- 1週不洗：產生300萬個細菌 →比馬桶座墊多出17,000倍的細菌
- 2週不洗：產生598萬個細菌 →比水龍頭多出300倍的細菌
- 3週不洗：產生851萬個細菌 →比廚房水槽多出400倍的細菌
- 4週不洗：產生1,000萬個細菌 →比竉物的碗多出39倍的細菌
- 有研究亦提到，枕套連續多日唔洗，細菌會明顯增加，對皮膚敏感、容易出汗或有鼻敏感人士尤其唔理想。
:max_bytes(150000):strip_icc():format(webp)/BHG-how-to-clean-pillows-06-70142_preview-3a0a35b863eb4877b30f4cc58b7652a2.jpg)
枕頭袋應該幾耐洗一次?
一般情況下，枕頭袋建議每週洗一次；如果你容易出汗、會搽護膚品瞓覺、或者有鼻敏感，最好提升清洗頻率。
如果有用枕頭保潔墊，可以幫手減少污漬滲入枕芯，令清潔更方便，亦可延長枕頭使用壽命。
各款枕頭正確清潔方法
乳膠枕清洗方法
- 日常用濕布擦拭或吸塵器吸灰塵，每月一次就夠保養。
- 乳膠枕不建議放入洗衣機，亦唔好用高溫或太陽直曬，因為容易令材質受損、脆化或變形。
- 如要清潔，建議用清水或中性清潔劑輕輕按壓清洗，再用毛巾吸乾水分，最後放喺陰涼通風處徹底陰乾。
【幾耐洗一次】正常情況下每1-3個月清潔一次；如果有明顯污漬、臭味或發霉，即時處理即可。
記憶棉枕清洗方法
- 每月吸塵清潔為主
- 記憶棉枕的處理方法同乳膠枕相近，理論上可水洗，但不建議自己大力搓洗或機洗，否則容易破損。
- 清潔時宜用按壓方式處理，避免長時間浸泡，洗完一定要徹底風乾，否則內部殘留水氣容易發霉。
【幾耐洗一次】每3個月按壓清洗一次；壽命約2-3年。
羽絨枕清洗方法
- 平時可曬太陽殺菌、輕拍除塵。
- 羽絨枕多數可按水洗標示處理，建議用柔洗模式、冷水或溫水清洗，並減少清潔劑用量，避免殘留。
- 洗後可低溫烘乾或日曬，但一定要完全乾透，中途可以輕拍枕芯，幫助羽絨散開，避免結塊。
【幾耐洗一次】每6個月水洗一次
聚酯纖維枕清洗方法
- 每2個月吸塵保養。
- 聚酯纖維枕屬於較易打理的類型，多數可機洗，使用溫和模式就可以；如果要烘乾，亦要避免長時間高溫處理。
- 這類枕頭清洗幾次之後耐用度會下降，使用一段時間後要留意有無變形、塌陷或異味。
【幾耐洗一次】每3-6個月清潔一次
清洗小貼士
- 清洗枕頭前，先看水洗標示最穩陣，因為唔同品牌和結構都可能有差異。洗完之後，重點唔係只係洗乾淨，而係要確保完全乾透，否則比污漬更易引發霉味同細菌問題。
- 日常最簡單的做法，是每週洗枕套、定期晾曬枕頭、再加上枕頭保潔墊，咁就可以大幅減少枕頭藏污納垢。
【延伸閱讀】
家事常識｜衣物柔順劑洗壞衫？2種衣物不可使用 日本洗衣專家教三大使用守則
家事常識｜襪子連穿2日細菌爆900萬﹐洗完仍可存活90日！4大恐怖真相＋洗襪5招