【公屋/還原/租戶/遷出/單位/索價/櫥櫃/網民/價目表】一名網民在Facebook群組「公屋討論區」中以匿名發帖，表示即將遷出公屋單位，但因其曾改裝廚房櫥櫃，房屋署職員上門檢查後，要求事主自行還原，或是繳交還原費用。
對此，事主認為還原費用高昂，疑惑能否保留櫥櫃予下一手租戶，
「請問有冇人試過櫥櫃係可以保留畀下一手？老實講，房署報價廚房8,XXX清拆真心貴。佢哋話當初簽租約係要還原番房署準則，一定要拆。所以我想睇吓有冇市民當初退回公屋係可以畀下手用？」
網民：非常浪費 VS 冧落嚟冇人負責
有網民看到照片後，大讚入牆櫥櫃很新淨，不能保留屬浪費，但都有人指這是房屋署條例，如將來發生意外可大可小，「裝得幾靚都拆晒你嘅，房署先係帶頭浪費」、「住公屋真係唔好裝修咁靚，始終唔係自己物業」、「好明顯當咗自己，全部入牆」、「廚房成日都要用，佢咁嘅交樓軟裝真係完全唔好用，根本上就冇考慮用家角度實際出發」、「房署點交間屋畀你，你就點交番畀佢，呢個係你責任」、「唔會留下手，冧落嚟冇人想負責，一定拆晒先畀下手」、「應該留給新住戶參考吓先，要就不拆，不要先拆」。
據房委會資訊，如租戶曾在單位內進行裝修或改建工程，必須自費：
- 把（房委會）的所有固定裝置及設備恢復原狀
- 拆除加建的固定裝置及設備清走所有家具、雜物及垃圾
- 如租戶沒有辦妥以上事項，房委會將從其按金扣除有關的清潔和維修費用，以及有關行政費用。
租戶可自行安排移走自行安裝的固定裝置，或向房委會支付費用，要求房屋署代為進行相關的還原公屋單位工程。
還原公屋單位價目表
去年有網民曾分享還原公屋單位價目表，例如還原廁所木門連框1,560元、更換洗面盆及配件963.48元、廳和房拆除間隔牆1,312.8元、廳和房還原實心大門連框3,753.47元、廚房更換灶台、洗滌台及架2,241.048元等。
【延伸閱讀】
還原公屋 | 港男分享還原公屋價目表 14個項目被收呢個數：出去搵師傅都要咁上下？