【網購/水果/海南/大樹菠蘿/網民】一名男網民在Facebook群組「拼多多 京東 淘寶開心share」中發帖，表示早前花74.91元、從內地網購平台「淘寶」購買原個海南大樹菠蘿。
事主指郵費已包，本身他選擇自提，但因超重直送上門，只見大樹菠蘿重達20.35公斤（約45磅），他便推介其他網民購買，
「有冇人鍾意食大樹菠蘿？『淘寶』買呢個好抵仲包郵。之前買過一個好正，食完又買，呢個最大size嘅先75蚊。」
網民列兩點避走：唔好害人
然而，很多網民質疑運送水果會影響其他貨物，亦擔心水果變質會有衛生問題，「唔好害人，同你一齊運貨嗰啲可能係化學物料、建築物科、過期物料，然後一嘢塞喺夏天高溫嘅60至70度車入面，再集運到你手上」、「其實是否真係唔好『淘』生果，物流過程呢啲天氣好易焗到爛，之後漏水，人哋其他啲貨影響好大。生果唔同一般物流，正常物流人哋知係成批運生果，啲溫度調控同一般貨物唔同」、「如果有9次冇事，一次食到食物中毒，都唔知搵邊個好」、「你負責任，但物流倉未必調溫負責任，同可能大菠蘿，商家幫你挑個生好少少。我公司喺果欄買生果，我哋當晚攞回家，部分都有啲變壞，而家天氣天熱」。
對此，事主反駁指已多次網購水果，都沒有遇到問題，「買咁多次都冇事！係啲人拖得耐唔拎先爛」。
【延伸閱讀】
HKTVMALL優惠｜買3支牙膏送總值$543.7禮品 摺疊滾輪購物袋+紙包飲品+衛生紙+清潔用品等