【特快公屋/海景/單位/問題】一名兩孩港媽在Facebook群組「公屋討論區」中發帖，表示一年一度的特快公屋申請又到，她作為過來人，分享一家4口去年透過特快公屋入住現時單位。
她透露本身輪候公屋5年多，後來轉排特快公屋，由審查到上樓只需5個月，最終選擇屯門湖景邨湖碧樓一個井字型近400呎的3至5人海景單位，月租1,689元。她在去年9月揀樓，10月就收樓，現已入住半年，形容「好舒服」，將來建好西鐵綫更加方便，10至20年後亦可「博佢重建」。
列2點讚輪候特快公屋
事主希望透過分享一家人的上樓經驗，告訴其他人特快不一定是有問題單位，「我呢個單位入特快原因係因為門口位唔適合傷殘人士使用，佢話有1級唔啱傷殘人士，其實都冇，普通鐵閘嗰條軌道，個原因係夾硬嚟，其實有𨋢到，唔使行樓梯，同普通單位冇分別。所以大家都可以申請咗特快計劃先，再睇吓單位嘅列表」。
「有興趣再上去實地考察睇吓環境，就可以揀到心儀單位啦！我上年第二輪第一日去，屯門完全冇人揀，我心儀嗰幾個都仲有，所以係好大機會㗎！特快其實仲好，有得揀幾多樓、揀座向，真係一試無妨！最正有得揀樓層，唔使等佢派低層。」
網民：比中六合彩更正
帖文曝光後，大批網民都盛讚單位實用，亦有人指特快公屋不一定發生過命案，「呢個單位好實用，你個view（景觀）真係好正」、「夠大、通爽、高、有晾曬衣服空間，實用」、「呢啲先好住，好過2000年後起嗰啲好多」、「恭喜晒，雖然係舊少少，但勝在又大又四方，又有騎樓」、「比中六合彩更正」、「特快有呢啲冇問題嘅單位，真係萬中無一」、「好多呢啲單位㗎，不過好多人唔鍾意咋嘛，有啲就廁所太細或者間隔不受歡迎，都係放落去呢組一齊派」。
【延伸閱讀】
加快上樓有計｜特快公屋編配計劃2026 一份申請可租可買，申請資格、方法、重售單位名單