【政府筍工/招聘/政府職位空缺/數字政策辦公室/1823/搵工/高薪招聘】政府數字政策辦公室（數字辦）現正招聘非公務員合約職位「高級經理」，月薪高達$80,230！咁高薪的管理層工作冇大學學位、中五會考學歷都可以申請，唯工作經驗及年資有一定要求。有興趣投身這份超級政府筍工，即睇下文了解入職條件及申請詳情，8月18日截止申請！
高級經理月薪$80,230 中五學歷都有機會
- 職位屬於非公務員合約條款聘任，為期一年，月薪$80,230。成功完成合約期並表現優良，仲可獲發約滿酬金，金額連同政府強積金供款相加後，不多於合約期內基本薪金總額嘅15%。
- 福利都幾好，受聘人每年享有14日有薪年假，以及《僱傭條例》規定嘅休息日、法定假日、產假和疾病津貼。
數字政策辦公室聘高級經理｜職責
獲聘嘅高級經理會被調派至1823聯絡中心，須執行以下一個或多個範圍嘅職務：
- 監督日常管理：監督1823聯絡中心嘅日常管理，確保為市民及政府部門提供高效且優質嘅服務
- 靈活調配人手：透過靈活調配主管及前線人員，以應付不斷變化嘅營運需求
- 處理投訴及查閱資料申請：監督投訴及根據《公開資料守則》索取資料嘅處理
- 分析營運數據：分析營運數據，並落實服務提升措施
- 員工培訓及發展：監督中心各級別員工嘅培訓及發展
- 執行其他指派職務
此職位或須輪班，包括通宵班及喺星期六、日或公眾假期期間不定時工作，並須喺惡劣天氣（包括颱風及黑色暴雨）期間工作。主要工作地點為油麻地及長沙灣嘅1823辦公室。
數字政策辦公室聘高級經理｜入職條件
申請人必須符合以下條件：
學歷及工作經驗 ：
- (i) 持本港大學學位，或同等學歷，並具備十年電話中心／聯絡中心工作經驗，其中最少五年任管理職位；或
- (ii) 喺香港中學文憑考試五科包括中國語文科和英國語文科考獲第2級或以上成績；或喺香港中學會考五科包括中國語文科和英國語文科考獲第2級／E級或以上成績，或同等學歷；並具備十二年電話中心／聯絡中心工作經驗，其中最少七年任管理職位
其他要求：
- 具備良好領導、分析、溝通及員工管理技巧
- 具備豐富聯絡中心管理經驗，擅長識別改善機遇並落實有效措施，以提升公共服務質素
- 對聯絡中心相關營運系統（包括人工智能輔助分析系統）嘅運作具備豐富知識
- 具備良好中文（廣東話及普通話）及英文書寫及會話溝通技巧
- 熟悉電腦操作
優先考慮條件： 具備政府或公共機構電話中心／聯絡中心工作經驗嘅申請者，會獲優先考慮。
數字政策辦公室聘高級經理｜申請方法
有興趣嘅申請人可前往公務員事務局網站填寫GF340在線申請。
- 職位編號： 50212
- 截止申請日期： 2026年8月18日 23:59
- 申請連結：按此連結
- 查詢：2928 6997
【延伸閱讀】
廣華醫院招聘殮房服務員 月薪$28,492＋津貼 須清潔遺體＋協助調查案件＋返夜班 夠唔夠膽應徵？
進修搵工｜唔怕失業！考保安牌全攻略 4類牌照 月薪高達2.8萬 即睇資格＋市場薪酬＋報名方法
公務員綜合招聘考試CRE 2026 即日起報名！招聘AO/EO/助理新聞主任6大職位 即睇考試攻略
政府筍工｜物流服務署聘校對 月薪高達$30595 公務員職位 中五＋指定語文成績可申請 附申請連結