【香港打風／颱風消息／香港天文台】今年颱風真係無停過！AI 人工智能預報系統「風烏」預測下周雙颱風逼近，周五起天氣轉差又濕又熱又落雨。又熱又落雨嘅潮濕日子，最驚家居暗角發霉，本人會話你知家居哪些角落最易發霉以為防霉貼士。
香港打風？3 大 AI 預測雙颱風下周逼近
香港天文台預料一道廣闊低壓槽會在下週初影響南海北部至台灣以東海域，並在下週中期逐漸靠近廣東沿岸，而該廣闊低壓槽上可能有低壓區存在。
值得留意嘅係，「風烏」AI 預報系統預測下周南海將有潛在熱帶氣旋生成，更有機會直逼香港 200 公里範圍內。
AI 風烏預測下周雙颱共舞｜路徑同時間表
第一個熱帶氣旋（8 月 17 日起發展）
| 日期 | 預測動態 | 與香港距離 |
|---|---|---|
| 8 月 17–18 日 | 形成並進入香港 800 公里範圍 | 800 公里 |
| 8 月 18–19 日 | 往西南移動，進入 400 公里範圍 | 400 公里 |
| 8 月 21 日 | 折返再逼近香港 | 進入 400 公里範圍 |
| 8 月 22–23 日 | 穿過海南島，往越南登陸 | 逐漸遠離 |
呢個熱帶氣旋於 8 月 17–18 日形成並進入香港 800 公里範圍，隨後往西南移動，8 月 18–19 日進入 400 公里範圍後一度遠離，但風烏預測 8 月 21 日會折返再進入本港 400 公里範圍，之後於 8 月 22–23 日穿過海南島在越南登陸。
第二個熱帶氣旋（8 月 22 日起發展）
| 日期 | 預測動態 | 與香港距離 |
|---|---|---|
| 8 月 22–23 日 | 掠過菲律賓進入南海 | — |
| 8 月 24 日 | 逼近香港 | 進入 400 公里範圍 |
風烏更預測，8 月 22–23 日會再有 1 個巨型熱帶氣旋掠過菲律賓進入南海，8 月 24 日逼近香港 400 公里範圍。
周五起又落雨又濕又熱｜天文台特別天氣提示
天文台今日（8 月 12 日）早上發出特別天氣提示：廣東沿岸天色持續良好，預料本港今日天氣仍然極端酷熱，市區最高氣溫約 35 度，新界再高一兩度。
展望：隨著一股西南氣流影響廣東沿岸，高溫天氣在本週後期將稍為緩解。受高空擾動影響，星期五本港部分地區驟雨較多，星期六有幾陣驟雨，短暫時間有陽光。
受低壓槽同熱帶氣旋外圍影響，香港周五起天氣將會轉差：
- 又濕又熱：高溫加上高濕度，體感溫度隨時爆錶
- 狂風驟雨：預測期間會有顯著降雨
家居5大發霉黑點｜潮濕天氣家居防霉貼士
又濕又熱嘅天氣，屋企好容易成為霉菌溫床！裝修資訊平台「裝修佬」裝修學院校長鄧世民提醒，家居有 5 大發霉黑點要特別注意：
- 洗衣機膠邊：用完洗衣機後，記得打開機蓋至少一至兩個鐘，用廚房紙或乾毛巾抹乾水分2.
- 真空袋衣物：轉季收入真空袋前，再晾曬衣物一次，或者喺密閉空間用抽濕機抽乾水分。
- 牆邊／陰暗處：戒除關冷氣後即刻開窗嘅壞習慣！最好關機前將冷氣轉做風扇模式，等室內溫度慢慢提升先關機開窗。
- 冷氣機：每一兩年搵師傅做防霉塗層，價錢大約貴 200 至 300 元。
- 床下底／櫃底：地面鋪上絕緣膠地墊並封好邊位，避免地面形成冷表面而出現冷凝水。
💡 提提你：長期吸入霉菌有機會誘發呼吸道問題，例如打噴嚏、流鼻水、哮喘、肺炎等，尤其對長者、小朋友同免疫力差嘅人士影響更大！
【延伸閱讀】
打風外遊貼士｜三颱共舞！第16號颱風琵鷺生成 白海豚吹華東淅江 昌鴻向日本本州移動
家事常識｜循環扇與風扇點揀？日本電器品牌分享客廳/睡房擺位秘訣 仲可做埋潮濕天乾衫神器
酷熱天氣3大危險消暑方法 35°C用風扇仔零作用？嬰兒車放風扇反更危險 用涼感噴霧易中暑
家事常識｜退熱貼4大隱藏用途：防中暑、舒緩頭痛、快速入睡！專家揭貼這位置比額頭更散熱
三伏天消暑茶飲｜四神湯、烏梅三豆飲、參芪麥冬枸杞茶 健脾祛濕補氣養陰 附詳細食譜