最近有唔少物業喺拍賣市場進行拍賣，好似一個位於北角一棟近43年樓齡嘅明暉大廈，B座一個頂層連天台單位，拍賣開價只係125萬，立即同大家睇睇有咩優缺點。
拍賣單位來自忠誠集團於12月10號嘅單位，位於北角明暉大廈B座頂層嘅2號室，實用面積165平方呎，單位包埋一個約123平方呎嘅天台。單位優點位處於炮台山站及北角站之間，更大賣點係物業位處頂層向海，可以望到一小部份維景海景，加上擁有123平方呎嘅天台，觀賞煙花應該無難度。
呢個物業今次嘅拍賣開價125萬，咁平除咗因為實用面積較細，室內面積只有165平方呎，更因為物業已經有近43年樓齡，從拍賣行嘅相片了解到，單位嘅客廳地板、牆身及天花都有陳舊、剝落嘅問題，浴室及廚房同樣非常陳舊，新買家絕對需要預留資金作全屋裝修。
北角明暉大廈物業 拍賣開價125萬
📍 物業地點：北角和富道20-36號明暉大廈B座24字樓B2單位連天台
🏘️ 物業面積：165平方呎＋123平方呎天台
📏 平均呎價：約7,575港元
💰 拍賣開價：125萬港元
📅 拍賣日期：12月10日（星期三）下午3時
✍🏻 物業編號：25121015
🔑 拍賣地點：中環德輔道中84-86號章記大廈３樓Ａ室
延伸閱讀
元朗銀主盤！拍賣價218萬｜安景樓495尺高層單位連395尺天台
香港樓市｜75萬做業主？307呎連露台村屋銀主盤 呎價僅$2444 平同區村屋5成 12.2拍賣！