銀主盤😱紅磡啟岸197呎開放式單位｜低估價20%💰座東向西🧭擁開揚城市景

早年好多新盤大推開放式單位，升市時有少少溢價，但到跌市時成為重災區。今日分享一個市區、位於紅磡馬頭圍道嘅高層開放式銀主盤，拍賣起始價298萬，低滙豐估價足足兩成，係咪入手之選？立即睇睇！

銀主盤拍賣價298萬｜紅磡啟岸高層開放式單位

今次嘅銀主盤來先環亞物業拍賣公司，於3月3日拍賣嘅項目。物業於2021年落成入伙，屬於狀態極新嘅半新樓。從拍賣行提供嘅相片睇到，單位內嘅裝修新淨，新買家入手不需要考慮全屋裝修，係呢個銀主盤一大賣點。

另一大賣點係啟岸嘅設計，雖然物業係單棟式設計，但由於地皮夠大，所以大廈以L形為設計，一層23伙。會所設於大廈頂層，設有Infinity Pool泳池及最高嘅健身室，望向維港景色。

不過，呢個單位嘅實用面積由於只得197平方呎，屬於開放式單位，空間有限，喺跌市嘅時候都算係跌幅較大嘅物業，唔算太受歡迎。參考土地註冊處資料，上手業主於2019年用561萬，以樓花形式買入單位，單係以今次銀主盤起始價298萬去比較，跌幅相差已經達263萬。再睇睇HSBC及中銀嘅估價，前者373萬、後者348萬，開價低估價約14%至20%。

再睇過往成交數據，以同一柱嘅19樓D6室去比較，去年5月二手成交價為330萬，成交呎價HK$16,751，因此今次拍賣行嘅開價，相信都符合買家對銀主盤嘅預期。