近排坪洲伯伯送飯氹層樓事件，引起全城關注。而對於大律師陸偉雄嘅仗義執言，希望透過法律程序幫伯伯討回公道，攞返物業讓伯伯安享晚年，喺多個社交媒體上獲得大量支持。假如陸大狀真的能夠成功幫伯伯攞返業權，到底可以點樣幫到伯伯提升生活質素呢？
政府於2011年推出「安老按揭計劃」
年過90歲嘅坪洲吳伯伯，由於所剩嘅積蓄不多，需要資金支持晚年生活。假如能夠成功取回物業，伯伯就可以參加由政府通過外滙基金全資擁有嘅香港按揭證券有限公司「安老按揭計劃」。該計劃其實係專為長者而設嘅退休理財工具，大致嘅概念係一般按揭以「借錢買樓、需每月供款」，而安老按揭計劃（即「逆按揭」）係「物業抵押、每月收錢」，長者將已供滿嘅自住物業抵押給銀行，喺不賣樓、不搬走嘅前提下，每月領取一筆固定現金（年金）作為退休收入，且終身毋須還款。
「逆按揭」 4 大運作特點
• 資產不變動： 長者依然是物業業主，可繼續安居在原址直至百年歸老。
• 提款極靈活： 年金期可選擇 10年、15年、20年或終身，亦可申請一筆過提取大額現金應急（如醫療、維修）。
• 無追討限額： 借款人去世後，銀行會放售物業清還累積貸款。若賣樓所得有剩餘，會退還給遺產繼承人；若資不抵債，損失由香港按證保險有限公司承擔，不會向後代追討。
• 可申請放租： 若長者因醫療或入住安老院而遷出，在符合條件下可將物業出租，賺取「年金 + 租金」雙重收入。
香港逆按揭基本申請資格
申請人資格
• 年滿 55 歲或以上（未補地價公營房屋業主須年滿 60 歲或以上）。
• 持有有效香港身份證。
• 目前沒有破產或涉及破產呈請。
抵押物業限制
• 必須為香港住宅物業（私人屋苑、未補地價居屋/夾屋/公屋均可）。
• 樓齡一般須為 50 年或以下（超過 50 年須視乎驗樓報告個別考慮）。
• 物業現時必須為自住（未有出租）。
其實透過香港按揭證券有限公司嘅網站，唔單只可以瀏覽到詳細計劃資料，仲可以輸入自己物業嘅估價，透過「安老按揭計算機」計算抵押物業後可獲得嘅一筆過支付款項等資料。
延伸閱讀
開放申請！房協甲類屋邨申請懶人包 公屋輪候人士即睇資格、入息限額、屋邨名單