山姆宣布4.30停香港跨境直郵服務📦 網民：限制多多/新鮮食品唔送🚫/運費唔平/好少港人用👋

港人北上鍾意去山姆會員商店，每逢周末港人都拎晒喼、買到一袋二袋過關回港，為止山姆亦於2024年6月推出跨境直郵服務，成為會員後，港人就可在app內訂購山姆產品並以直郵方式送港。不過有眼利網民發現山姆出了公告，表示香港跨境直郵服務將於4月30日暫停，不過不少網民均表示對這個服務暫停不表示可惜，大部分網民更有彈無讚。

山姆暫停香港跨境直郵服務｜官方講法

有網民「Costco山姆開心share」Facebook 群組內出帖發現山姆會員商店的香港跨境直郵服務暫停服務，該公告表示服務將於4月30日暫停。山姆表示：「香港跨境直郵服務經過一段時間的試運營後，尚未能達到山姆的服務標準」，所以決定暫停。

山姆暫停香港跨境直郵服務｜網民意見

網民在帖文下留言，均對服務暫停沒有覺得太大的可惜。
💬「應該冇乜香港人用哩個服務終於都玩完…講真運費都唔算平我都冇用過，而且連零食都運唔到更加冇興趣」
💬「用app買好多新鮮野都無得買，始終要現場買」
💬「一開始嗰陣，都搵唔到冰鮮或者新鮮食材。連黑松露餅乾都買唔到」
💬「買零食寄集運代收抵d」
💬「仲山姆？過哂氣啦」
💬「佢揀個近口岸嘅地方開好過啦，到時港人自己買完自己搬返香港」
💬「宜家有京東，有HKTV，有拼多多，有淘寶。。。山姆都系新鮮感。下一個玩完就系COSTCO」