【港人北上/港人去深圳/跨境巴士/深港交通/天水圍交通/落馬洲站/福田口岸】九巴B1巴士係天水圍元朗居民北上的熱門交通選擇，周末或長假北上高峰時段，站頭經常人頭湧湧。九巴宣布開設特別班次，由天慈邨出發，不經元朗直達落馬洲福田口岸，大幅縮短行車時間至少30分鐘。新安排取代原有天恩邨特別班次，頭班車更提早至早上5時40分，方便早起北上嘅港人。本文詳細講解特別班次路線、時間同票價，助你輕鬆規劃北上行程！
九巴B1特別班次
九巴B1線新增特快班次，主要服務天水圍居民。呢個特別安排由天慈邨開出，全程不經元朗，直接前往落馬洲福田口岸，取代咗之前由天恩邨出發嘅特別班次。
新班次專為周末及假期早上設計，目標係縮短行車時間，讓乘客更快到達深圳。根據街坊反饋，以前經元朗路線燈位多，經常延誤半小時以上，呢個特快版就解決咗呢個痛點。
常規B1班次頭班車亦提早至早上5時40分開出，方便早鳥乘客。
九巴B1特別班次｜行車路線
天慈⭢美湖景湖⭢天晴香港濕地公園⭢天逸天富⭢天頌天瑞⭢天耀天水圍站⭢新田皇巴站⭢落馬洲站（福田口岸）
九巴B1特別班次｜基本資料
- 營運日子：星期六、日及公眾假期
- 服務時間：早上8時至中午12時
- 班次頻率：8am-10am 每30分鐘一班；10am-11am 每20分鐘一班；11am-12pm 每30分鐘一班
- 全程票價：$15.3
- 查詢：2745 4466
【延伸閱讀】
跨境巴士優惠｜激平！$1買香港市區⭤蓮塘口岸車票！領取超筍優惠教學 教埋你搭高鐵減$50/$20