香港好去處｜皇室堡搞麻雀王大賽打廣東牌贏3萬獎品！即睇參賽資格/報名方法/賽制/麻雀王大獎

【香港好去處/麻雀大賽/麻雀王】身邊總有超熱愛打麻雀的人士，如果你係雀精、或者平日好難搵麻雀腳開枱、人品好牌品好，或是自命高章嘅人士，而家有大顯身手嘅打牌機會！銅鑼灣皇室堡聯乘AK江熚生個人品牌KYUBI，推出「皇室堡x KYUBI麻雀王挑戰賽」，用廣東牌三番起糊形式比賽，最高16強晉身決賽爭奪「麻雀王」稱號，仲有機會贏取KYUBI限定版手雕麻雀套裝等獎品，總值約HK$30,000！想知詳細賽事日期、賽制、報名方法同資格？即刻入內文睇啦！

皇室堡xKYUBI麻雀王挑戰賽

銅鑼灣皇室堡聯乘MIRROR成員AK江熚生嘅個人時裝品牌KYUBI，舉辦「皇室堡x KYUBI麻雀王挑戰賽」。活動以廣東麻雀為主打，歡迎所有麻雀愛好者挑戰自己，證明「人品好，牌品自然好」！無論你係麻雀大俠、新手雀友、六爺定三太公，都係大顯身手嘅好機會。

賽事日期及地點

初賽：2026年2月1日（星期日）地點：銅鑼灣皇室堡5樓稻香
決賽：2026年2月7日（星期六）地點：銅鑼灣皇室堡地下中庭

賽制

初賽以「廣東牌（三番起糊）」形式進行，最高分16強可晉身決賽，爭奪「麻雀王」稱號。決賽將於皇室堡地下中庭舉行，現場氣氛熱烈，仲有機會贏取豐富獎品！

參賽資格

年滿18歲人士均可參加
於報名期內，在皇室堡任何商戶以電子貨幣單一消費滿HK$100或以上
連同符合資格嘅電子貨幣付款存根，即可報名（網上報名需上傳單據正本及付款存根）

活動詳情

活動推廣期：即日起至2026年1月23日（星期五）
名額：200個（先到先得，額滿即止）
獎品：KYUBI限定版手雕麻雀套裝及其他獎品，總值約HK$30,000

- 冠軍 - 獎盃、「KYUBI 限定版手雕麻雀套裝」一套、商場購物現金券價值HK$3,000 - 亞軍 - 獎盃、「KYUBI 限定版手雕麻雀套裝」一套、商場購物現金券價值HK$2,000 - 季軍 - 獎盃、「KYUBI 限定版手雕麻雀套裝」一套、商場購物現金券價值HK$1,000 - 其他決賽晉級者 - 皇室堡及The ONE HK$50購物現金券各一張