【遊日注意/遊台注意/颱風米克拉/航班取消/日本旅遊/台灣旅遊/打風外遊】計劃去台灣或日本旅行要留意！米克拉已升呢做中颱，日本氣象廳預測佢會持續增強，下週會慢慢轉彎逼近沖繩同台灣東部海域。同時，氣象專家賈新興分析指，西北太平洋另一個熱帶擾動94W，好有機會喺6月24至25日左右，生成為今年第8號颱風「無花果」，搞到雙颱共舞。大家出發前記得留意最新天氣狀況，同買定旅遊保險以備不時之需。
米克拉颱風最新動態：升呢中颱，沖繩九州要留意
根據日本氣象廳最新預測，米克拉已經喺尋晚（21日）增強為中度颱風。預計佢會繼續向西北移動，喺高海溫環境下持續增強，最快今日（22日）會達到日本定義嘅「強颱」級別（相當於香港嘅中颱上限）。
預測路徑：米克拉會在24日（星期三）前後開始減速同北轉，逐步移向台灣東部同沖繩海域。日本氣象廳嘅警戒範圍已經涵蓋台灣接近一半地區，計劃去台灣或日本沖繩嘅朋友就要打醒精神。
米克拉潛在打風日子
6月24-25日（週三至四）：最接近台灣
- 整體動態：颱風在台灣東側海域大幅北轉，是距離台灣最近的時間。
- 影響地區：日本氣象廳已將半個台灣納入警戒範圍。東半部及恆春半島要嚴防風雨，中央氣象署不排除期間發布海上警報。
6月26日（週五）：影響沖繩
- 整體動態：颱風沿台灣東部外海北上，日間通過沖繩那霸附近。
- 影響地區：沖繩地區風浪最大，是當日影響最明顯的地方，要密切留意航班狀況。
總結：24至25日要留意台灣，26日則要小心沖繩，出發前記住緊貼官方最新颱風消息。
無花果即將生成？專家料6月24至25日成颱
除米克拉，西北太平洋或有颱風生成。氣象專家賈新興發文分析，目前熱帶擾動94W正在發展，預計會喺23至24日先增強為熱帶性低氣壓，24至25日期間就有機會生成為今年第8號颱風「無花果」（Higos）。
如果成事，就會形成雙颱共舞嘅局面，對西北太平洋嘅天氣增添變數，亦可能影響區內航班。
航班取消/延誤5大貼士
準備出發，但遇上颱風，航班取消或延誤可參考以下建議：
- 出發前查看最新狀況：提前查航空公司官網、香港機場網站或App，確認航班有否取消或延誤。
- 提早決定改期：航空公司取消航班通常可免費改期，盡早行動避免熱門日子無位；長時間延誤可主動聯絡改機票。
- 更改酒店：預訂時宜選「免費取消」房型，減低損失。
- 選用機場貴賓室/時鐘酒店：航班延誤長時間，可使用付費貴賓室或按小時計費酒店休息，同時掌握最新航班資訊。
- 保留證明文件 + 及早買旅遊保險：保存延誤/取消證明及額外開支收據，以便向保險公司索償。航班延誤超過6小時多數有現金津貼，建議訂機票後即買。
小貼士：出發前記住買定旅遊保險，建議在購買機票後立刻購買保險。一旦有打風消息才購旅保，航班因相關颱風而延誤或取消有機會不受保障。
【延伸閱讀】
遊日注意｜日本黑熊闖市區 東京、京都、奈良出沒 4大高危縣曝光 即睇防熊貼士
遊台注意｜台灣連續27天無顯著地震 地震專家指或為大震前夕警號？港人必睇防災貼士
揚子板塊恐撕裂引亞洲地震危機！ 2日內廣西遇331年強震、沖繩台東接連狂震 港人防災5招
遊日注意｜瀨戶內海驚現2條活斷層恐爆7級強震海嘯 即睇受影響旅遊點＋防災包清單