【筍工/招聘/雲海觀察員/老君山/河南旅遊/旅遊業好工/好工推介/邊玩邊賺】國內出現一份旅遊業筍工，今日還衝上熱搜，河南老君山風景區最近出帖：月薪6萬人民幣招聘「雲海觀察員」，包食宿之餘，每日淨係睇雲海、拍片記錄！呢份被喻為「神仙工」嘅職位即時引來全城網民熱議，但職位空缺只有1個，究竟要點先申請到？入嚟睇晒所有入職要求同細節！
老君山雲海觀察員｜職位背景
河南老君山景區每年7、8月都係雲海出現頻率最高、觀賞效果最佳嘅時期。為咗更好記錄雲海變化，將老君山嘅雲海奇觀即時呈現畀廣大網友，景區決定面向全國招募一位「夏季雲海觀察員——觀小海」。
老君山雲海觀察員｜工作內容
呢份工嘅職責相當簡單直接，最適合鍾意大自然同拍片嘅你：
- 住喺山頂30日：由2026年7月16日至8月15日期間，需要長駐老君山山頂，食宿全部由景區負責
- 每日觀測雲海變化：主力觀察同記錄雲海嘅千變萬化
老君山雲海觀察員｜人工待遇
- 月薪：6萬人民幣（約6.5萬港元）
- 免費食宿：山頂住宿及膳食全包，冇額外開支
- 全國僅一個名額：競爭激烈，但只要你夠創意就有機會
老君山雲海觀察員｜申請方法
想成為呢位幸運兒，就要跟足以下步驟參加選拔：
- 報名時間：2026年7月8日至7月15日（7月15日24:00截止短片數據統計）
- 參與方式：喺抖音平台發佈原創參與短片（內容形式不限），並帶上指定活動Hashtag： #河南老君山招募雲海觀察員 或 #我要去老君山做雲海觀察員（二選一）
- 評選準則：截至7月15日24:00，以話題下短片嘅點讚量為主要評選依據，同時綜合短片內容質量、傳播效果及賬號合規情況進行評選
【延伸閱讀】
筍工｜華永會聘墳場客戶服務主任 月薪$35080＋約滿酬金 18日年假、全家醫保、培訓資助
進修搵工｜唔怕失業！考保安牌全攻略 4類牌照 月薪高達2.8萬 即睇資格＋市場薪酬＋報名方法