【深圳好去處/深圳超市/北上消費/暑假北上】暑假到尾聲，相信唔少港人都把握北上玩樂機會，近期必去嘅有人氣超市「金粒門」！呢個來自長沙嘅新鮮零食品牌，华南首店已於7月8日在深圳布吉萬象匯開業，至今依然大排長龍。嚟緊仲有深圳第二、三家門店正在裝修籌備中！本文將為大家介紹金粒門嘅三大亮點、四店最新開幕動態及各地鐵站交通方法。
長沙「排隊王」金粒門超市殺到深圳！
金粒門2021年在長沙創立，被視為「新鮮零食」概念嘅開創者。品牌主打 「新鮮短保、高質價比」 嘅差異化零食模式，全國已佈局超過30間直營門店，分佈喺湖南、江蘇、湖北、廣東、江西等省份。今年7月終於登陸深圳，開設華南首店！
金粒門三大亮點逐個睇
亮點一｜全場近200款零食，價錢超親民
金粒門門店面積約400平方米，店內集結近200款新鮮零食，涵蓋現烤烘焙、鮮辣滷味、膨化零食、果乾蜜餞等多元品類。
重點係價錢超抵！多款商品價格喺6至25元區間：
- 鮮奶原葉錫蘭現制奶茶：6.5元/罐
- 海鹽薯片：7元/包
- 酸辣魔芋絲：8.5元/盒
- 鮮萃酸奶昔：7.5元/瓶
唔使俾年費、唔使買大包裝，放工路過花十幾二十蚊就買到高品質零食！
亮點二｜主打「新鮮短保」，食得放心
同一般超市包裝零食唔同，金粒門主打短保質期、每日現做、成分純淨。滷味產品多數係前一日生產，保質期約一星期；現製飲品堅持門店現製、當日出清。雖然保質期短要盡快食，但勝在無過多化學添加劑，食得更健康！
亮點三｜全場免費試吃，先試後買
店內幾乎所有產品都設有試食盤，無論係酸辣魔芋絲、肉乾、糕點定係飲品，通通可以試完先買！難怪有顧客笑稱「試食一圈已經有半飽」。開業首日雖然係平日，但朝早8點起客流已經源源不絕，顧客購物籃基本滿載！
深圳金粒門四店最新動向＋地鐵交通攻略
第一店｜金粒門·龍崗·深圳布吉萬象匯（已開業）
- 開業日期：2026年7月8日
- 地址：深圳市龍崗區布吉萬象匯B1層B120
- 營業時間：10:00 - 22:00
- 交通：深圳地鐵5號線百鴿籠站C出口，經地下通道直達
第二店｜金粒門·龍崗·大運天地店（8月19日開業）
- 地址：龍崗區大運天地中區L1-SL144B
- 交通：深圳地鐡16號線大運中心站C或D出口
- 開幕活動：現場有免費試吃、打卡活動（零食免費領）、預儲值活動（贈送零食）
第三店｜金粒門·寶安·深圳懷德萬象匯店（待開業）
第四店｜金粒門·羅湖·深圳萬象食家（待開業﹐預計10-12月）
【延伸閱讀】
國家補貼2026｜港人免綁國內電話＋香港銀行卡登記！消費最高減¥2萬 北上消費配離境退稅再減9%
深圳新地標｜龍崗國際藝術中心免費入場！5大打卡亮點＋數字藝術體驗＋交通方法＋周邊景點推薦
北上中伏實錄｜港爸住羅湖酒店下體超痕驚見活蟲！疑床單未換染陰蝨？附入住酒店自保3招
港人北上｜新皇崗口岸公共交通懶人包 日間/通宵巴士線＋專線小巴票價全攻略 24小時通關5分鐘過關
深圳好去處｜羅湖國貿SPRING商場開業：過關10分鐘即達＋亮點、必食餐廳、一日遊攻略