國泰航空一班由馬尼拉飛往香港的航班，於起飛前一刻有乘客拒絕遵守安全守則，拒絕把手袋放在地上，其間更要求落機否則聲言報警，最後導致航班延誤2小時，國泰就事件帶來的不便向乘客致歉。
在剛過去的周日 (3月23日) ，國泰航空一班由菲律賓馬尼拉飛香港航班，起飛前因一名乘客要求下機，導致延誤。
國泰回覆查詢時表示，涉事為CX902航班，原定周日傍晚7時40分從馬尼拉起飛，預計當晚10時左右抵港，因起飛前一名在機上乘客主動要求下機，導致航班延遲起飛，航機按照標準運作程序返回停機坪，並於同日晚上再次起飛往香港。
/public/article/content/202503/a5c8dbfd-537e-4116-8e2b-96fba388b912.jpg)
事件引起網上熱烈論，更有網民發出帖子並且附上1張現場圖片，帖子題為「尋晚CX902，馬尼拉返香港」。
帖文指出：「班機就嚟去到跑道起飛，啲空姐話有個癲婆勸咗三次叫佢擺個手袋落地佢都唔肯，因為不遵守安全守則，最後仲話要返馬尼拉機場，唔搭依班機，唔俾佢落機就即刻打911，搞到全機人要陪佢癲成班機delay咗兩個鐘，唔知有冇人影到佢正面相，後續希望國泰可以blacklist佢」。
該圖片可見，當時機上一男一女的機組人員，相信正在處理有關事宜，但圖片未有拍攝到涉事乘客的容貎。
網民對此議論紛紛，不少人留言表示「其實覺得地下汚糟，咪套個膠袋或舖個膠袋先囉，搞到咁做乜鬼」、「究竟人用袋，定袋用個人，要下下掛住個袋唔可以汚糟，唔辛苦嘅咩」、「點解依家啲人，係鍾意與衆人為敵為仇先安樂，當自己價值觀啱，都睇下環境，妥協先落機再搵渠道」、「支持拘捕犯法及搞事者」、「佢手袋金造？」、「咩手袋咁大牌唔塞得落櫈底呀」、「有興趣知，佢呢一身打扮拎個乜嘢手袋要堅持唔肯放落地？」、「樓主點解唔行去影正面？條友乜人」、「你寫Email去投訴先有用」、「處理得咁差，不如直接 blacklist 國泰好過啦」等。