有片｜尖沙咀雪糕店店員狂舔雪糕匙過程被拍下　店家道歉推出3招「補鑊」

近年香港人關心食物安全，不過近日尖沙咀一間雪糕店的店員，在上班期間狂舔雪糕匙，其後被網民發現拍成影片，在網上瘋傳。店家之後道歉解釋，並推出3招「補鑊」。

尖沙咀雪糕店店員狂舔雪糕匙過程被拍下

有網民在社交平台上載一段短片，指控尖沙咀K11 Musea的意大利雪糕（Gelato）專門店「Dood Bottega Gelateria」一位店員，在工作過程中「每個味都剷一次然後逐個匙舔」。片段中清楚可見，店員將用來挖雪糕的勺子放進嘴巴舔食。

影片截圖：

店家道歉推出3招「補鑊」

店方隨即作出回應，推出3招「補鑊」。該雪糕店指，已經對涉事店員進行停職處理，並對店內進行徹底消毒清潔。此外，店方還強調每日都會用酒精消毒用具，並承諾未來會加強衛生管理，以防止類似事件再次發生。

店家回應全文：

多謝客人提供影片,我們已立即回店進行徹底消毒和清潔。 

因此情況已經比咗警告信呢位同事,及查看CCTV, 呢位同事係收店前洗雪糕匙前咁做。 其實每晚洗淨雪糕匙後都會用 100% 酒精消毒抹乾淨再放入雪櫃第二天早上再消毒一次備用。 

我們公司深感抱歉,現向所有曾觀看這影片而感覺不安嘅網友致歉。但不用擔心任何食安和衛生問題,所有設備和器具,使用前必用100% 酒精消毒。 

本店保證以後不會發生呢種令人不安嘅問題為此再次致萬二分嘅歉意 對唔住

網民：我唔敢再食

這段短片迅速引起網民關注，吸引了過萬次轉載及數百條評論，這段短片迅速引起網民關注，吸引了過萬次轉載及數百條評論。
「你係咪真係睇到佢無換?」、「全香港最貴GELATO 唔係無原因」、「其實可以將啲雪糕挖返落個杯食，但佢就用咗個最核突嘅方法俾我睇到」、「呀婆口水鳳爪gelato版」、「條友冇腦冇衛生意識，你警告完佢一樣唔知衰第二樣」、「諗起地拖拖麵包櫃裏面」、「是咪員工福利黎？」、「以前去見到佢menu搵紅筆改餐牌上面嘅價錢但太潦睇唔清楚，問佢唔好意思想問一球係咪$xx咁賣，個職員問我係咪唔識英文唔識字」、「個啊姐真係搞唔掂，普通衛生都無，希望真係直接炒咗佢/處分佢」、「上次係同一個店員裝gelato比我...」、「200分不安，更不安嘅係店家嘅回覆」、「食物俾人舔過晒，係嚴重業務過失。」、「頭先經過見到呢個呀姐，仲寫住衛生原因不設試味」、「好驚，我唔敢再食佢了」、「新開個陣食過係好食ge, 但而家咁樣無勇氣再食」、「吓警告信唔掂喎，呢d涉及食安居然唔係即炒？」、「之前都係覺得呢個店員態度麻麻，估唔到佢咁」、「咦？呢間好似有人講過，店主定員工定經理都係佢喎」、「就算會每日洗，都唔係用挖雪糕用具嚟試食…點都用匙羹食吧？」、「我以後都係買返啲獨立包裝嘅雪糕，感覺比較舒服」、「痴線，淨係講會消毒雪糕匙，咁有無掉啲雪糕先？」。