有片｜大埔夾公仔店網絡公審教師「偷公仔」　天眼還原真相店方反被鬧

大埔一間夾公仔店近日因網絡公審一位教師，在網上發CCTV影片指該教師「偷公仔」，而被網民「炎上」，惹起網民熱議，其後店主更反被鬧，指他「輸打贏要」。

大埔夾公仔網絡公審教師「偷公仔」

近日，大埔某夾公仔店於Facebook群組「大埔TAI PO」發布一段閉路電視（CCTV）影片，指控一名疑似學校教師在店內教人伸手進出貨口取公仔，認為此舉屬不禮貌行為，並表示已報警處理。店方批評「為人師表，點解咁無禮貌，教人不問自取？」同時指事件已交由警方跟進。

該段CCTV影片時長45秒，拍攝時間為4月1日晚上約9時40分，畫面顯示一名穿黑衣女子成功夾到一隻大公仔，但因出貨口過小，公仔卡住未掉出。其後女子在一名疑似教師的提示下，伸手進入出貨口取出公仔，並表示感謝。疑似教師則解釋，「佢成隻跌晒唔係話淨返啲啲……隻腳啊嘛」。

影片截圖：

網民：輸唔起就唔好開啦

此事在網上引起熱議，夾公仔店面對大量網民留言，曾更新帖文反駁，強調問題在於未通知台主而直接取貨屬不禮貌行為，非要求賠償或歸還公仔。然而，事件仍未平息眾多網民的不滿，持續引發爭議，「輸唔起就唔好開啦」、「真係好核突整到個窿咁細，仲好意思話人？」、「夾中都唔俾人拎走，你鎖住個出口位啦。」、「睇完段片
，公仔個身落晒去出貨位啦，你洞口太細卡住個頭喎」、「你係咁理直氣壯就唔好匿名啦」、「夾到都唔畀人攞走，即係詐騙」、「店主咁都要報警，咁事主咪要報海關囉！」、「人哋夾中，跌咗落出口，出口細，路人甲指出攞的方法。咁樣去冤枉好心的路人甲，還說報了警，報假案？」、「好彩，我唔會玩黎啲乞丐公仔機！整到個洞口咁細，根本唔想比人中，咁不如咪學人做台主啦！」、「個公仔個頭大到咁，夾中都一定會卡住喺出口嗰度啦！」、「大家吾好幫襯啦！夾到吾抵得又比人公審！」、「封埋個洞口佢嘛。咁咪算係偷囉～」、「執咗去啦！輸打贏要」、「祝你間鋪頭盡早結業」、「開個post出黎比人圍插，抵死」、「輸唔起就關閉佢，唔好阻住哂」、「輸唔起就唔好學人開舖」、「搞到我汽水機撳完汽水，都唔敢伸手入去攞添，驚俾人話冇禮貌，又要同警察交代」、「咁又唔計中？」、「間鋪喺邊？我一定永遠唔會幫襯。」、「好心你開鋪就唔好開得咁肉酸啦」。

海關去年接獲158宗舉報按年增八成

民政及青年事務局局長麥美娟回應立法會議員質詢時表示，在過去三年（2022年至2024年），海關接獲有關夾公仔機並涉嫌違反《商品說明條例的數字，舉報個案分別有16宗、86宗及158宗，即去年按年增83%；檢控個案分別有0宗、1宗、2宗；成功定罪個案分別有0宗、1宗、2宗。

麥美娟又指，民政事務總署轄下的牌照事務處於過去三年（2022年至2024年）接獲有關夾公仔機的舉報中，涉及懷疑有非法賭博元素的個案分別有2宗、6宗及5宗。相關個案均已轉交香港警務處跟進。警務處沒有備存夾公仔機店懷疑涉及非法賭博的其他相關數字。