有片｜女司機停車場玩「碰碰車」連撞後車兩次　被撞車主：報警先！

不少人外出泊車都會泊在停車場，但在停車場內可能會發生意外。有車主在網上發影片，在停車場內，被前面一架倒車的私家車連環撞兩次，令車主非常無奈，大喊「報警先！」。

影片截圖：

女司機兩度卸責車主

影片發生於一個在停車場內，影片所見，車主的私家車被前面一架倒車的私家車連環撞兩次。之後，揸車的女司機之後落車，辯稱自己第一次撞時無留意到事主，又卸責係對方跟得太貼。

至於第二次撞，佢就承認自己有錯，不過強調自己已經打咗壞車燈，「我係咪打咗壞車燈先？」受害事主則非常無奈並說，「報警先！」。

網民：我唔係車主都好無奈

影片引起不少其他車主及網民留言，有人指自己不是涉事車主也感無奈，亦有人指自己亦試過被撞，表示深感同情，「香港女司機全球最恐怖生物！」、「兩次倒車都唔望鏡？簡直是馬路殺手！」、「佢再揸車，遲早撞死人！」、「撞左講sorry就夠，仲大條道理解釋無意思」、「冇為意？觀察力咁弱都考到車牌，畀佢pass嗰個太鬆手嗱」、「女司機心態：咪講左sorry囉。無留意到呀嗎，想點姐？」、「打左壞車燈，唔代表你可以撞落去」、「撞咗就係撞咗，倒車吾系大哂都要睇吓有冇其他車夠唔夠位」、「我都試過...」、「講多無謂，一係賠錢，一係報警，解釋都係多餘」、「啲女人應該唔好揸車，撞到人點算？仲想話自己啱」、「打咗壞車燈就倒車唔使睇鏡既咩 ? 邊個師父教咖 ?!」、「有片都好啦，最好都唔唔好郁車住。就算阻到人要郁都要影晒相先好郁，唔係蝕底就係自己。」、「撞一次又係賠，翻手撞多次都係要賠，兩次抵啲囉」、「大媽道理，打咗死火燈，我就係無敵星星！」、「直接報警啦，叫個女人唔使解釋咁多」、「黑都講成白，曲都拗番直，死都呦番生」。