有片｜港女生屋企被猴子闖入　偷食提子再食柑被家居Cam全拍下

住近郊野地區的香港人，家中隨時會有「不速之客」來襲！近日一名女子表示，家中突然出現被一隻猴子闖入，猴子更擅自取了其家的食品食用，令人哭笑不得。影片在網上引起熱議，吸引不少人留言。

猴子闖港女家被家居Cam全拍下

一位香港女生日前在網上發帖文，寫道，「以為自己開錯cam。Btw 食完巨峰再食柑，仲食到japjap聲，個柑應該好甜，屋企有馬騮已打敗99%香港大學生。」

據該段長約影片所見，該隻猴子潛入女生家中後，站於鏡頭前大快朵頤，一手拿着大柑，另一手則拿起葡萄入口，非常悠閒。

該女生其後又表示，家中有養貓貓，故有安裝家居Cam，「有裝窗網，但應該係老化所以俾馬騮整開，所以先有今次嘅事⋯⋯亦即刻Fix（修理）翻個窗網，都安排新嘅安裝。貓貓盡力呵翻了，冇受傷。」

網民：啲馬嬲好生猛

不少網民看影片後留言，指猴子非常「生猛」，又說經過很驚險，以及分享自身經驗，「可以養馬騮架咩？哈哈」、「以前好似有其他邨民都有遇過呢個情況」、「佢入過嚟一次，就會認住你間屋有餐開之後成日嚟幫襯。」、「啲馬嬲好生猛」、「呢排成棟都有馬騮入屋
但我屋企無事。懷疑因為無嘢食...」、「吃兩粒巨峰，一個柑」、「好細個都發生過 我仲要住12樓喎 食埋全屋最貴嗰個日本桃」、「馬騮界foodie，仲食到japjap 聲」、「如果個cam可以對話嘅就可以叫佢執返啲果皮先走」、「點解我會覺得可愛」、「Chill 食完就走㗎啦」、「不過馬嬲以前寓意齊天大聖 所以你屋企有福」、「間屋要消毒...」、「好可愛，下次擺多啲啲嘢食喂佢啦」、「佢好醒 知道柑皮唔食得 食得好滋味」、「小心隻貓俾佢捉咗啊」、「食緊果陣仲要scan下你屋企」、「有冇留低食晚飯，唔使急住走喎」、「真識食⋯仲識揀走啲伊」。

減少猴子走近民居方法

漁農自然護理署曾指，要防止猴子滋擾，可做以下事項：

• 勿走近或接觸猴子（特別是幼猴），應與牠們保持距離。
  
• 切勿在猴子面前進食，應把食物和背心膠袋放入布袋或背囊內。
  
• 切勿餵飼猴子。
  
• 切勿直視猴子，對猴子來說，四目交投是一種挑釁行為。
  
• 切勿向猴子拋擲食物或物件。
  
• 切勿發出過大聲響使猴子感到慌張失措。