網上FB群組昨日（5月6日）廣泛流傳一段手機視頻，一名公屋霸氣女懷疑不滿被收屋大鬧房署屋邨辦事處，狂爆粗最終嚇窒男職員要入房避其鋒。
據了解，該名公屋霸氣女懷疑以手機拍下狂爆粗辱罵該名男職員的過程，期間揚言「連續三日管理處叫我走，即係好好玩啦！唔係同你講笑，我依家單位串咗！......你傻Ｘ咗啊！」。
/public/article/content/202505/76004717-9d42-47a8-b4fd-f3f31b14edc2.png)
/public/article/content/202505/b4534f2b-d687-4e68-8170-0e9e4de74992.png)
事發地點相信為一個房署的屋邨辦事處內，該女子一直沒有入鏡，該手機視頻可見一名女子隔著玻璃向辦公室內一名男職員狂爆粗破口大罵，表示「咩嘢先！房屋署無叫你嚟家訪我！女戶主係我一個，你兩個嚟家訪我，已經唔正確！」、「我問你叫咩名、職員編號，點解唔留低啊？！」、「第二日，連續三日，管理處叫我搬走，即係好好玩啦，係咪啊？！」、「我唔係同你講笑啊，我依家單位串咗，你仲乜遮Ｘ住自己啫？！吓？！」
該女子其後突然咆哮表示「十年前間屋，我都唔Ｘ得啊！吓，依家得啊！你傻Ｘ咗啊你！Ｘ家Ｘ！Ｘ街啦去！」，原本露出半個身影的涉事男職員，其後走入房間內避其鋒。
該女子之後投訴其單位有人裝設CCTV影住她，表示「依家個Cam對Ｘ住我屋企，又唔Ｘ拆咗佢！喂！我要自由啊，我唔係監犯啊！你唔好同我嚟呢一套啦！」，女子再度發火面對空無一人的牆角，大聲咆哮「你怕乜Ｘ瘀啫！吓！我同你一齊返差館都唔Ｘ驚！Ｘ你老母！去玩啊真係！」，最後房內傳出涉事男職員表示要結束對話，影片到此為止。
據悉，目前房署規定，公屋住戶若涉及嚴重違反租約的濫用公屋行為，房署將不予警告終止其租約。此外，根據「屋邨管理扣分制」，住戶2年內被扣除的分數累計達16分，其租約將被終止。