香港一位大叔以自己的店舖「會員身份」獲得特別服務，一位男子在網上分享一則趣事，大叔向鴻福堂店員表明會員身份原來為問路。而全個過程都被男子所目擊，非常搞笑，也在網上引起熱議。
/public/article/content/202505/a12e6bde-8ccf-4e63-b509-7a3833f13e6f.png)
大叔突向鴻福堂店員表明會員身份
有港男在社交平台發文，以「呢個大叔打敗咗99%鴻福堂會員。」為題發文，指日前目擊一宗「搞笑事件」。一位大叔向鴻福堂店員說，「我係鴻福堂會員」，然後拿出手機打開鴻福堂應用程式，證明自己是會員。
原來大叔為「這樣」
其後，店員一頭霧水，原以為大叔想查詢產品或其他鴻福堂有關資訊，怎料大叔原來是想問路，「我想問（屯門）德政圍點行？」。偷聽對話的港男當場失笑，不過他未有交代後續店員如何回答大叔。
社交平台原文：
呢個阿叔打敗咗99%鴻福堂會員
👨🏼🦳:我係鴻福堂會員(拎部手機攞個Apps出嚟)
👩🏻🍳:???
👨🏼🦳:我想問德政圍點行？
我當堂笑到X街🤣
唔知除咗問路，仲有有咩功能呢？我都想整返張
網民：即刻申請寫埋落CV
不少網民看完紛紛大笑，亦拍自己也要即刻申請會員，亦有人指要學馬浚偉將會員名加入落CV，「好好笑」、「即刻申請先，多個item寫落CV」、「佢想證明佢係自己人黎」、「會員尊享：問路服務」、「會員福利」、「學馬浚偉寫埋落CV」、「阿叔係咪都覺得冇消費就同店員問路唔多禮貌，所以提自己係member」、「很多店舖，特別是油尖旺、銅鑼灣、中西區的，都有「不要問路」的告示貼出來。這或許是該店的「增值服務」吧」、「我係譚仔三哥會員，想問下譚仔點去」、「笑到流眼淚」、「作為Yuu會員，惠康 Market Place 萬寧 美心 東海堂 KFC Pizza Hut，多幾個唔同選擇，我張mbr card贏咗」、「將鴻福堂會員用到好似馬會會員咁」、「佢嘅潛台詞係，你咪諗唔答我呀，我會員來架」、「100%香港人，充分發揮資本社會嘅privilege」、「要申請多幾個會員方便問路」、「香港做服務性行業要包生養死葬乜都識答」。