車Cam直擊｜私家車車主手機放尾翼再駕車屯公直出葵涌　到埗後竟離奇無事

日前一位私家車車主遇上一年「離奇事件」，只因他用完手機後，忘記了拿回而一直放於車尾翼，最後手機竟然相安無事。事後他更公開照片及影片，引起一眾車主留言討論。

私家車車主「手機放尾翼」再駕車屯公直出葵涌

一位車主日前在社交平台發文，分享一件「離奇事件」。他寫道，「今日真係大癲。我由屯門出發屯公出葵涌，到葵涌時想用電話，然後我發現電話唔係車入面，我用另一部機打俾自己，發現車尾傳出震動既聲，原來我同客傾完野，部電話就咁放左係尾翼，但佢竟然行晒成條屯公都冇跌…今次真係要感恩，另外，有尾翼既車真係好重要」。

據他上傳的影片所見，私家車車主的手機直接就放於車尾翼，而私家車則一直在前進，而手機絲毫沒有動靜，一直「緊貼車尾」。

影片截圖：

網民笑稱：龍翔道200米已跌！

事件引來不少車主參與討論，有人表示，若走黃大仙龍翔道，相信200米便會跌走，亦有人稱讚是車主開車穩定，「試下住黃大仙，老龍200米已跌」、「證明你手車穩呀」、「我隻佬都試過係粉嶺果陣擺低包檸檬茶係檔風玻璃，最尾落車先發現包檸檬茶擺左係出面行左成個吐露港」、「欣賞ching用錢測試尾翼下壓力」、「我都試過放左枝螺絲批係車頭行完老龍都冇跌」、「平時放係車頭，轉個彎都跌，你點做到架」、「真係屯公好車手」、「證明你手車好定」、「佩服，師兄」、「師兄避震有料」、「如果行行下發現都咪話唔刺激」、「咁勁，經過屯公都無事」、「真係好好彩」、「手車定，冇頭搖又尾擺」、「你手車都好穩定」、「邊款避震師兄，有啲料到」、「你要買六合彩」、「只要(唔食風).就算擺個飯盒都唔會跌!」。

相關新聞：

車Cam直擊｜中學生亂過馬路「跳出跳入」 幸左右兩車急剎險過剃頭

車Cam直擊｜大帽山福士GOLF疑失控越線 撼對頭AE86 經典車被毀

車Cam直擊｜赤膊男反轉吐露港公路突落的士狂奔 終被警制服送院