沙田一間村屋內驚現毒蛇「過山烏」。一名港男在社交平台發帖文，指驚見家中電腦枱有蛇盤踞，慌忙報警求助。「蛇王」到場「收服」該條蛇，原來為「過山烏」（眼鏡王蛇），「蛇王」更稱，「被咬到死梗」。
男子屋內驚現蛇蹤
據該男子的帖文說，「啱啱諗住瞓覺，我女朋友見到電腦枱面有條蛇，喊晒咁跑出嚟嗌救命。」他其後在凌晨1時許報警，他又稱，「見到電腦枱面好似有條電線郁郁吓，原來係條蛇。」
蛇王：被咬到即死
其後「蛇王」到場，向他們表示那是「過山烏」，並指帶有強烈毒性，在香港較為罕見。不久， 「蛇王」手到拿來，只消2分鐘便就牠「收服」，並估計是從廁所去水喉潛入屋內，「佢（蛇王）話呢啲咁罕有嘅事唔會比我遇到第二單，再遇到勁過中六合彩」；蛇王又指，「一年都捉唔到三條，超毒蛇比佢咬到即死緊」。
/public/article/content/202505/43a25b9e-5611-4e83-a654-1452728e643b.jpg)
/public/article/content/202505/3e706aeb-26a6-4794-bc41-40216f2d185a.jpg)
網民：唔細心睇可能真係唔會發現
事件引起不少網民關注，有網民指，若不細心看未必發現，也有人指近來有多處發現蛇蹤，「諗起報完警仲要等個蛇王黎都幾崩潰」、「佢仲有少少扮電線咁嘅feel，唔細心睇可能真係唔會發現」、「今年係蛇年，咁都俾你遇到佢」、「好彩你女朋友見到，如果一直無發現多咗條，瞓覺無啦啦被咬就bye bye了」、「我都勁驚見到佢，怕一年嘅運氣都用喺條過山烏度」、「如果你係住郊區或者近山邊，不妨去戶外用品店買驅蛇粉或者搵下邊度有硫磺賣」、「等蛇王黎果段時間應該感覺好漫長」、「我覺得好得人驚」、「真係好恐怖，瞓之前記得check多次間房！」、「條蛇個形狀真係好毒」、「開頭以為係潮文，原來係真既」、「等緊蛇王嚟又要望住條蛇有咩舉動，咪好煎熬」、「哇 好彩無咬到人」、「恭喜你見到蛇係好運㗎」、「應該有一段時間會有陰影」、「山中有蛇, 過山有烏」、「請問你係咪住村屋？好驚」。
過山烏為危險毒蛇
過山烏名稱為眼鏡王蛇，是世上體型最長的毒蛇，體長可達5.6公尺（18英尺），主要棲息於樹林中，以其他蛇為主食，在廣州俗稱過山風，香港俗稱過山烏，是世上稀有蛇類之一。其個性兇猛具有高度攻擊性，其毒液裡主要含有神經毒素，另也有心臟毒素，據外國大學臨床毒理學部門指，被眼鏡王蛇咬傷後的致死率大約為60%，傷者最快可在30分鐘內死亡。