有圖｜便利店光天化日下驚現鼠蹤　匿藏飲品櫃貌似休息勁梳乎-東張+

香港部分地區存有鼠患問題，令不少市民積極舉報處理。日前有市民在網上發圖，表示在便利店內發現鼠蹤，有一隻老鼠匿藏飲品櫃。

便利店老鼠匿藏飲品櫃

有網民在網上發表帖文題為，「會唔會凍死佢架！」，並附上一張照片。據照片所見，一隻老鼠匿藏飲品櫃內，老鼠踩着一支飲品，貌似在休息，樣子勁梳乎。

而飲品櫃因為是冷凍設施，故發帖人亦好奇好否凍死老鼠。

網民：以為拍緊老鼠卡通電影

這張照片在網上引起討論，有網民指，以為拍攝老鼠背景的卡通電影，亦有人表示好可怕，「呢隻係老鼠定龍貓」、「7仔啲雪櫃唔夠凍，點都凍唔死米奇」、「真係好核突。」、「開拍冰雪米奇電影? 是否宣傳照…」、「邊間便利店賣$14兩隻老鼠？」、「咁似Key上去嘅」、「錯重點，D毛好靚」、「14蚊有2隻老鼠，幾抵」、「隻老鼠仔幾cute」、「好可怕，好得人驚」、「都唔知幾爽 所以入去嘆冷氣」、「好核突好核突」。

與老鼠相關法例：

根據香港法例第132X章《食物業規例》，每間食物室的牆壁、地面、門、窗、天花板、木建部分及處所結構的其他各部分須保持清潔，以保持完好、維修妥善和狀況良好，以使其得以妥善清潔及在合理切實可行範圍內防止老鼠及昆蟲侵擾或禽鳥闖入，否則即屬違法，最高可處罰款1萬元及監禁3個月，另加每日罰款300元。

相關新聞：

有片｜大埔街頭驚變「迪士尼樂園」嚇怕街坊 鼠患引起地震先兆猜測

報料。嘔心相片慎入｜中環利源西街老鼠屍橫遍野！ 觀眾忍九年：長年返工經過都係咁恐怖

記者直擊｜負傷老鼠趴喺街市門口半個鐘無人理 多名街坊踩中嚇到尖叫!